Ивгъуыд къуыри Фæлхасгæн-джыты бартæ æмæ адæймаджы æнæниздзинад хъахъхъæныны ко-митет банысан кодта йæ профессионалон бæрæгбон.
Магазинты æлхæд хæлцадон продукттæ кæнæ хæлд техникæ куы балхæнай, уæд кæдæм бахъаст кæнай æмæ дын дæ бартæ чи ба-хъахъхъæна, уый комкоммæ хауы ацы комитетмæ. Фæлæ бирæтæ уый нæ зонынц æмæ сын фæзын вæййы сæ бартыл дзурын.
Æвæццæгæн, нæй ахæм адæй-маг, кæцыйы магазинмæ бацæуыны æмæ хæлцадон продукттæ, стæй цардуагон техникæйы бирæ хуызтæ балхæныны сæр нæ ба-хъæуа. Техникæ уадзынц дунейы алы рæтты æмæ махæн, фæл-хасгæнджытæн фæзын вæййы уы-цы стыр ассортиментæй равзарын, хуыздæр æмæ фылдæр лæггад чи фæкæндзæн. Бирæ хатт, зæрди-агæй нæ чи хъæуы, ахæм зынаргъ дзаумайæн æхца фембырд кæнæм, фæлæ хатт рауайы афтæ, æмæ балхæнгæ товары гъæд нæ вæййы æмбæлон, фыдæнхъæл нæ фæ-кæны. Ахæм рæстæджы фæлхас-гæнæг йæ бартæ куыд хъуамæ бахъахъхъæна, уый тыххæй уæл-дæр бацамынд комитеты бæрнон кусæг Санахъоты Жаннæ афтæ зæгъы: «Товар æлхæнын хъæуы æрмæстдæр стационарон æмæ специализацигонд базарадон объекты, кæцытыл фыст ис магазины ном, йæ бынат æмæ куысты режим. Хуыздæр у зонгæтæ, кæнæ сыхæгтæ кæцы маркæйы техникæйæ æппæлынц, ахæм товар балхæнын. Товар исын нæ хъæуы комкоммæ витринæйæ уый, гæнæн ис, æрцыд цалцæггонд. Бынаты базонын хъæуы, равзаргæ товар кусы æви нæ, æлхæнæджы домæн-тæм гæсгæ уæйгæнæг хæсджын у, цæмæй йæ базонгæ кæна товар куыд арæзт у, æмæ куыд кусы, афтæ ма хæсджын у йæ гъæд æмæ комплектондзинад ын фенын кæна. Æлхæнæг хъуамæ æрдома, цæ-мæй йын фенын кæной товары тыххæй хъæуæг æмæ бæлвырд информаци уырыссаг æвзагыл, ома, техникон паспорт, гарантион талон, эксплауатацийы фæдыл инструкци. Фæлхасгæнæг хъуамæ æрдома, цæмæй гарантион талон раст йедзаг æрцæуа – уæйгæнæг гæнæн ис ма фæнысан кæна товар йæ магазины æлхæд кæй æрцыд, æмæ фæстæдæр, гæнæн ис фæзыной зындзинæдтæ аххосджыны бæрндзинадмæ æркæныны фæдыл. Цы товар балхæдæуыд, уы-мæн æхца бафидгæйæ, уый магазинæй хъæуы уайтагъд рахæссын, цæмæй йæ чи нæ кусы ахæмæй ма фæивой».
Санахъоты Жаннæ ма нын куыд загъта, афтæмæй фидарæй зонын хъæуы техникон æгъдауæй алы ног товары дæр кæй ис аздахæн æмæ йын йæ аргъ æрдомæн йæ балхæ-нынæй 15 боны æмгъуыдмæ . Кæд æмæ дзы раргом сты æгæрыстæмæй, чысыл цухдзинæдтæ дæр, уæд. Дыккаджы та уый, æмæ æлхæнæгæн йæ бон у гарантийы æмгъуыды фæудмæ æрдома ахæм кæнæ æнгæс товар, уæлæмхас ын бафидын кæд хъæуы, уæд æй бафидгæйæ. Уымæй дарддæр ма егъаугабаритон товар цалцæг кæ-ныны, баивынмæ, кæнæ та фæстæмæ аздахыны тыххæй хæрдзтæ фиды уæйгæнæг.
«Уыдис ахæм цау дæр, магазины уазалгæнæн балхæдтой æмæ хæлд разындис. Фæлæ уæйгæнæ-джы нал фæндыд йæ райсын. Мах комитеты æххуысæй æлхæнæгæн йе ‘хца фæстæмæ раздæхт æрцыдис. Товар баивыны тыххæй фæлхасгæнæджы домæн хъуамæ æххæст æрцæуа 7 бонмæ, æхцатæ раздахыны тыххæй домæн та 10 бонмæ. Товар баивыны тыххæй гæнæн ис бахъæуа 7 бонæй фылдæр æмæ уæд, афтæ ма товары гарантион цалцæджы рæстæ-джы дæр, фæлхасгæнæг хъуамæ æрдома, цæмæй йын рæстæгмæ пайда кæнынæн радта æнгæс товар. Ахæм товар лæвæрд цæуы æртæ боны æмгъуыдмæ», – загъта Санахъойы чызг.
Ацы домæнтæ нæ хауынц ахæм товартæм, куыд автомобилтæ, мотоциклтæ, хъæдын дзаумæттæ, медицинон нысанæн кæмæй пайда кæнынц, ахæм электроприбортæ æмæ æндæр ахæмтæм.
Кæд æмæ техникон æгъдауæй вазыгджын товары цухдзинæдтæ разындысты 15 боны фæстæ, уæд æй баивæн æмæ ма йын йæ аргъ фæстæмæ раздахæн ис ахæм уавæрты: товары зынгæ цухдзинад куы рабæрæг уа, ома, цалцæг-гæнæн кæмæн нæй, ахæм серьезон деффект, цалцæджы фæстæ ногæй чи фæзынди æмæ стыр хæрдзтæ чи домы. Уæд хъæуы акт саразын, цыран фæнысан хъæуы товар уæй кæд æрцыд деффектимæ, афтæ ма йыл хъуамæ æвæрд уой фæлхасгæнæджы æмæ уæйгæнæджы къухфыстытæ дæр. Кæд æмæ быцæуаг уавæр сæвзæра, , уæд гæнæн ис æмæ бахъæуа экспертизæ ауадзын. Гарантион æмгъуыды рæстæджы уый уагъд цæуы уæйгæнæджы хыгъдæй æмæ йæ уадзгæ та кæнынц специалисттæ. Кæд æмæ фæлхасгæнæг разы нæ уа экспертон хатдзæгимæ, уæд ын бар ис бахата хæдбар экспертон организацимæ, кæннод та хъаст бадæтта тæрхондонмæ. Кæд æмæ уæй чи æрцыд, уыцы товарæн нæй гарантион æмгъуыд æмæ дзы цухдзинæдтæ разынд, уæд фæлхасгæнæг йæхæдæг уæйгæнæгæн сбæлвырд кæны, деффект йæ аххосæй кæй фæзынд. Уый гæнæн ис, суа эксперты хатдзæг æмæ экспертизæ та уагъд цæуы фæлхасгæнæджы хыгъдæй. Кæд æмæ экспертизæ сбæлвырд кæна товар заводæй деффектимæ кæй рацыд, уæд фæлхасгæнæгæн бар ис экспертизæ ауадзыны тыххæй хæрдзтæ фæстæмæ раздахын. Кæд æмæ уæйгæнæг нæ разы кæна техникон æгъдауæй товары фæстæмæ раздахын, баивын, кæнæ цухдзинæдтæ аиуварс кæнын, уæд хъæуы претензи дыууæ экземплярæй саразын. Уым хъуамæ нысан уа фæлхасгæ-нæджы домæнтæ, афтæ ма сæ сæххæст кæныныл уæйгæнæг разы кæй нæу, уыцы факт дæр. Уыцы экземпляртæй иу лæвæрд цæуы уæйгæнæгмæ, иннæ та базайы фæлхасгæнæгмæ. Претензийæн дзуапп нæ райсгæйæ фæлхас-гæнæг хъуамæ фехъусын кæна, кæй бахатдзæнис РХИ-йы фæлхас-гæнæджы бартæ хъахъхъæныны æмæ адæймаджы æнæниздзинад хъахъхъæныны комитетмæ. Комитеты сымахæн кæддæриддæр бакæндзысты æнæаргъ æххуыс.
Уазæгты Марфа
Comments are closed, but trackbacks and pingbacks are open.