Хуссар Ирыстоны Экономикон рæзты министр Кокойты Геннади фембæлд Израилы Уырыссаг дзуттæгты æппæтдунеон конгрессы офисы минæвæрттимæ. Уыдон Хуссар Ирыстонмæ æрцыдысты паддзахады экономикон фадæттимæ базонгæ уæвыны нысанæн.
Дзуттæгты æхсæнады минæвæрттæ равдыстой цæттæдзинад республикæйы чысыл æмæ астæуккаг амалиуæгады райрæзты сæраппонд бакусынмæ.
«Ис ахæм адæймæгтæ, кæцытæм ис фæндон Хуссар Ирыстоны экономикæмæ инвестицитæ баххæссынмæ», – загъта Æхсæнады директор Элион Виленчик.
Кокойты Геннади банысан кодта, зæгъгæ, Хуссар Ирыстон у ахæм паддзахад, цыран ифтонг цæуы æдасдзинады алы уавæртæ дæр. Хуссар Ирыстон у, фыдракæндтæ стæм кæм сты, ахæм паддзахад. «Инвестицион архайды тыххæй» закъон стыр ахъаз у республикæмæ æддагон инвестицитæ æрбахæссынæн.
«Хъалонæвæрдыл куы дзурæм, уæд бафтаугæ аргъы хъалон (НДС) у 6-10%, уыдонæй хæлцадон продукттæ æмæ фæлхасадон товартæ – 6%, кондадон товартæ – 10%. Инвестортæн нысангонд сты хъалон фидыны каникултæ», – радзырдта экономикон ведомствойы сæргълæууæг.
Цæмæй ахсджиагдæр æмæ хатырон фæдыздæхтытæ бæлвырд æрцæуой, уый тыххæй закъондæттынад æрцæудзæн оптимизацигонд. «Нæ экономикæйæн ахсджиагдæр хъуамæ уой инновацитæ æмæ раззагон технологитæ», – банысан кодта уый.
«Политикон аххосæгтæм гæсгæ Фæскавазы базар махæн у æхгæд, – дзырдта дарддæр Кокойты Геннади, – Ацы факторæн ис ахсджиаг нысаниуæг. Махæн нæ тырнындзинад здæхт у уæрæсейаг базармæ, æмарæн регионтæм, цæгаткавказаг республикæтæм».
Министр банысан кодта, зæгъгæ, гуырахстджын уæзтæ ласын лæууы зынаргъ транспортон хæрдзты аххосæй, уымæн æмæ Уæрæсеимæ махæн бастдзинад ис æрмæстдæр иу автомобилон магистралы фæрцы. Æмæ æрмæстдæр, чысыл уæз кæмæн ис, уыцы раззагон технологитæ махæн сты бирæ ахсджиагдæр. Йæ ныхæстæм гæсгæ, Хуссар Ирыстон рæзын кæндзæн йæ агрокондадон комплекс, уымæн та ахъаз сты климатон уавæртæ.Æхсæнады минæвæртты чи цымыдис кодта, уыцы ахсджиаг фарстытæй иу уыд, чысыл æмæ астæуккаг амалиуæгады рæзты уавæртæм чи хауы, уыцы фарст. Сæрмагондæй, Республикæ Хуссар Ирыстонмæ инвестицитæ хæссыны уавæртæ, афтæ ма хисæрмагонд банг бакæныны барадон амæлттæ.
Кокойты Геннади куыд банысан кодта, афтæмæй инвестицитæ бахæссыны механизм æххæст цæуы уæрæсейаг бангтыл.
«Абоны онг уал Хуссар Ирыстонмæ комкоммæ инвестициты уавæртæ нæй. Хъæуы республикæйы бангон системæйы реформæ, æмæ ацы фарстытыл мах кусæм», – бæлвырдæй загъта уый.
Хуссар Ирыстоны территорийыл хисæрмагонд банг байгом кæныны фарстмæ цы хауы, уый тыххæй та Кокойты Геннади банысан кодта, зæгъгæ, уымæн саразæн ис «Бангон хъуыддæгты тыххæй» закъонмæ гæсгæ.
Фембæлды рæстæджы ма дзырд цыдис туристон-рекреацион фадыджы фарстытыл, электроны тых исыны модернизаци, сæрмагондæй хуры батарейтæй пайда кæныны тыххæй.
Уазæгдæтты бизнесы рæзт у дунеон индустрийы ахсджиаг хай. Уый у, туризмы рæзтыл хорзæрдæм чи æндавы, уыцы сæйраг фадæттæй иу. Элион Виленчикы ныхæстæм гæсгæ, йæ минæвæрттæ цæттæ сты уазæгдæтты бизнес байгом кæнынмæ мини-форматы. Дзырд цæуы мини-отельтæ байгом кæныныл.
«Ацы фæдыздæхт у тынг æфтиагджын æмæ йын ис хорз фидæн. Ацы бизнесы хуыз у бирæмиллуанон», – загъта уый.
Фембæлды рæстæджы ма уынаффæ цыд энергийы гуы-рæнты альтернативон хуыз-тæм рахизыны фарстыл ома хуры батарейтæм. Æхсæна-ды директор куыд загъта, уы-мæ гæсгæ уый йæ хæрдзтæ бамбæрзид иу афæдзы дæр-гъы, кусгæ та фæкæнид 10-15 азы бæрц. Агрегаты аргъ нæу 1000 долларæй фылдæр, бактæ æмæ элементтæ бынаты уадзæн ис, зæгъгæ, уый хынцгæйæ.
Æхсæнадæмон Информагентад
«Хуссар Ирыстон абон»
Comments are closed, but trackbacks and pingbacks are open.