Хисæрмагонд цæрæнуат кæмæн нæй, сывæллæтты хæдзæртты æмæ скъола-интернатты уыцы рауагъдонтæн цæрæнуат радтын закъоны фыст ис. Гæбæраты Иринæ хъомыл кодта æмæ æппынæдзух цард Цхинвалы скъола-интернаты. Президенты пресс-секретарь Гасситы Динæйы ныхæстæм гæсгæ, скъолайы фæстаг дзæнгæрæджы бæрæгбоны Президентæн радзырдтой чызджы проблемæйы тыххæй æмæ сын уый ныфс бавæрдта, фатер ын кæй уыдзæн, уый тыххæй. Æмæ мæнæ ацы бонты Бибылты Анатоли Иринæимæ федтой ног сцалцæггонд фатеры, цыран æвæрд æрцыдысты хæдзарон дзаумæттæ дæр. Уыдон цай банызтой РХИ-йы Ахуырад æмæ зонады министр Гасситы Натали æмæ скъола-интернаты директор Тедеты Роландимæ. Президент бацымыдис кодта, скъола каст фæуыны фæстæ Иринæ цы архайы, уымæ. Уый йын радзырдта, кæй бацыд уыцы иурæстæджы дыууæ уæлдæр ахуырадон уагдонмæ – ЦИПУ-йы геологийы æмæ ХИПУ-йы юридикон факультеттæм.
Бибылты Анатоли раппæлыд Иринæйы равзæрстæй. «Геологтæ махмæ нæй æмæ професси та тынг хъæуæг у. Уымæ гæсгæ ахуыр кæн, райс зонындзинæдтæ, куыст ссарынимæ дын проблемæтæ нæ уыдзæн», – загъта Президент.
Гæбæраты Иринæ радзырдта, зæгъгæ, йын фадат нæй ХИПУ-йы фæсаууонмæ ахуырæн фидын. Президент бахæс кодта, цæмæй фыстæг ныффысса ректоры номыл æнæаргъæй ахуыры тыххæй.
Comments are closed, but trackbacks and pingbacks are open.