РХИ-йы Президент Бибылты Анатоли йæхимæ райста Приднестроваг Молдоваг Республикæйы делегацийы, йæ сæргъ Хицауады Сæрдары хæдивæг Алексей Цуркан, афтæмæй.

Приднестроваг Молдоваг Республикæйы делегаци хайад иста Хуссар Ирыстоны Хæдбардзинад банымайыны боны цытæн бæрæгбонон мадзæлтты.

Бибылты Анатоли бузныг загъта, Приднестроваг Молдоваг Республикæйы делегацийы минæвæрттæ Хуссар Ирыстоны адæмимæ кæй дих кæнынц бæрæгбоны циндзинад.

«Сымах немæ дих кæнут нæ циндзинад, æмбарут, цас тыхтæ бахардз Хæдбардзинад банымайынмæ фæндагыл. Ныфс мæ ис, Приднестровьейы алыварс ситуаци æрнывыл кæнынæн политикон æгъдауæй цы архайдтытæ цæуы, уыдонæн кæй уыдзæнис фæстиуæг республикæйы адæмы фæстиуæгæн», — банысан кодта Президент.

Алексей Цуркан дæр йæ рады банысан кодта, зæгъгæ, Приднестроваг Молдоваг Республикæ дæр тырны йæ суверенитет банымайынмæ.

«Махæн æхсызгон у Хуссар Ирыстоны æппæтадæмон бæрæгбоны уæвын. Нæ разы цы хæс лæууы, уый дæр у суверенитет банымайын. Мах ууыл кусæм, афтæ ма кусæм экономикон хæдбардзинадыл дæр, æнæ кæцы нæй гæнæн паддзахад аразын», — загъта уый.

Бибылты Анатоли Приднестровьейы делегацимæ радта, Президент Вадим Красносельскимæ хуынды гæххæтт, цæмæй æрцæуа Хæдбардзинад банымайыны 10 азы бæрæгбонмæ. Уый банысан кодта, зæгъгæ, мын Приднестроваг Молдоваг Республикæйы сæргълæууæгимæ рагæй ис хæларадон ахастытæ.

 

Comments are closed, but trackbacks and pingbacks are open.