РХИ-йы Президент Бибылты Анатоли йæхимæ райста Республикæ Цæгат Ирыстон-Аланийы Мидхъуыддæгты министр Михаил Скоковы. Фембæлды ма уыдысты РХИ-йы Æдасдзинады советы нымæрдар Уалыты Валери æмæ Мидхъуыддæгты министр Наниты Игорь.
Президент арфæйы ныхæстæ загъта Михаил Скоковæн Уæрæсейы Федерациимæ Хуссар Ирыстоны интеграцион процессты йæ архайды тыххæй.
«Æхсызгон мын у де ‘рцыд æмæ Ирыстоны Хуссар æмæ Цæгаты Мидхъуыддæгты министрадты æнгом æмгуыстад. Ис ахæм фарстытæ, æмæ сын ис æрмæстдæр иумæ аскъуыддзаг кæнæн. Мæн ныфс ис æн-гом æмгуыстадæй. Уый тыххæй фыст æрцыд Хуссар Ирыстон æмæ Уæрæсейы Федерацийы хсæн Æмцæдисад æмæ интеграцийы тыххæй бадзырды. Уырны мæ, структурæты ‘хсæн æмгуыстад уæлдай рæвдздæр кæй суыдзæн, уый», – загъта Бибылты Анатоли.
Михаил Скоков банысан кодта Хуссар Ирыстоны барадхъахъхъæнæг органтимæ æмгуыстады ахсджиагдзинад, уымæн æмæ уыимæ баст у æмбæстæгты æдасдзинады фарст.
«Мах кæнæм, æмгуыстады фæдыл æвæрццаг фæстиуджы-тæ кæмæн уыдзæн, ахæм мадзæлттæ исыны фæнд, уыдон сифтонг кæндзысты не ‘мбæс-тæгты иууыл хуыздæр æдасдзинад», – загъта уый.
Министр ма йæ ныхасмæ бафтыдта, зæгъгæ, «сæрмагонд бон – милицийы 100-азы боны размæ, мах нæ хæсыл банымадтам Хуссар Ирыстонмæ æр-цæуын æмæ нæ коллегæтæн раарфæ кæнын».
Йæ рады, хуссарирыстойнаг паддзахады сæргълæууæг Би-былты Анатоли иууыл хуыздæр арфæтæ загъта Цæгат Ирыстоны полицийæн æрбалæугæ бæ-рæгбоны сæраппонд.
РХИ-йы Президент Михаил Скоковы схорзæхджын кодта Хæлардзинады орденæй.
Comments are closed, but trackbacks and pingbacks are open.