РХИ-йы Президент Бибылты Анатоли фембæлд Республикæ Цæгат Ирыстон-Аланийы Сæргълæууæг Битарты Вячеславимæ. Уый горæт Цхинвалмæ æрцыд цæгатирыстойнаг делегацийы сæргъы Хуссар Ирыстоны Республикæйы сырæзты 27-æм азы бæргбонмæ.
Бибылты Анатоли æгасцуай загъта Битарты Вячеславæн æмæ йын загъта бузныджы ныхæстæ республикæмæ йæ балцы тыххæй.
«Бузныг дын, Вячеслав Зелимханы фырт, кæддæриддæр рæстæг кæй ссарыс нæ бæрæгбонон мадзæлттæм æрцæуыны сæраппонд. Æз хорз зонын хуссарирыстойнаг адæммæ дæ ахаст. Ды кæддæриддæр хайджын вæййыс канд нæ бæрæгбонты цинæй нæ, фæлæ нæ уæззау цауты хъыгæй дæр. Уый та у æвдисæн, Ирыстоны иудзинады æмбарындзинад кæддæриддæр кæй уыдзæн нæ зæрдæты», – загъта уый.
Битарты Вячеслав йæхи ‘рдыгæй, банысан кодта, Хуссар Ирыстоны Республикæйы бон кæй у бæрæгбон канд Хуссары нæ, фæлæ Цæгаты дæр. Уый банысан кодта, зæгъгæ, дыууæ республикæйы кæддæридæр сты цæттæ кæрæдзимæ æфсымæрон æххуысы къух фæдаргъ кæнынмæ, æмæ уый иу æмæ дыууæ хатты нæ рабæрæг уæззау рæстæджыты.
«Мах абон хайджын стæм уæ циндзинадæй æмæ уын зæрдиагæй арфæ кæнæм. Хуыцау зæгъæд, æмæ Хуссар Ирыстоны адæм цы уæззау цаутæ бавзæрстой, уыдон æнустæм ивгъуыды цы баззайой, æмæ мах æрмæстдæр цины фынгтæм куыд æмбырдтæ кæнæм. Ды куыд загътай, афтæ, мах стæм иу адæм, Ирыстон у иу, махæн ис иу туг, иу æвзаг, иу тардицитæ», – загъта РЦИ-Аланийы Сæргълæууæг.
Comments are closed, but trackbacks and pingbacks are open.