РХИ-йы Президент Бибылты Анатоли горæт Белграды каролы бинонты резиденцийы фембæлд Сербийы кронпринц Александр Карагеоргиевичимæ.
Фембæлды хайад райстой кронпринцы бинойнаг Катарина æмæ хуссарирыстойнаг делегацийы уæнгтæ.
Хуссар Ирыстоны Президент радзырдта Александр Карагеоргиевичæн йæ визиты тыххæй Республикæ Сербимæ къухыбафтгæ сразыдзинæдты тыххæй. Бибылты Анатоли ма банысан кодта сербаг æмæ ирон адæмы культурæйы иумæйагдзинад, дзырдта Хуссар Ирыстоны историйы, зонад, культурæ æмæ спорты зынгæ ирон архайджыты тыххæй.
Сербийы кронпринцы цымыдис кодта истори, афтæ ма Хусcар Ирыстоны политикон æмæ экономикон ситуаци. Уый банысан кодта Сербийы æмæ Ирыстоны адæмты монондзинад, дин æмæ культурæйæ æввахс чи сты, уыдоны кæрæдзимæ ныхас кæныны ахсджиагдзинад, афтæ ма Уæрæсейы позитивон нысаниуæг дунейы бæстæты сабырдзинад сфидар кæныны.
Comments are closed, but trackbacks and pingbacks are open.