Республикæ Хуссар Ирыстоны Президенты пресс-службæ куыд фехъусын кодта, афтæмæй Мæскуыйы Республикæ Хуссар Ирыстоны Президент Бибылты Анатоли фембæлд Уæрæсейы Федерацийы Президент Владимир Путинимæ. Фембæлд ацыд Уæрæсейы Федерацимæ Республикæ Хуссар Ирыстоны официалон балцы фæлгæтты.

Владимир Путин Бибылты Анатолийæн æгасцу зæгъгæйæ, банысан кодта, зæгъгæ, «Уæрæсе бирæ аразы, цæмæй сифтонг кæна Хуссар Ирыстоны æдасдзинад, уыцы нымæцы хæстон æмæ арæнты æдасдзинад дæр».

Уый куыд бафиппайдта, афтæмæй, Хуссар Ирыстоны уавæр бæрæгбæрцæй фæхуыздæр – уæййæгты æрзылд фæфылдæр 48 проценты. Уый фæндон бахаста, цæмæй æруынаффæ кæной республикæйы ног фадæттыл.

«Абон мах æмбæлæм, цæмæй аныхас кæнæм, уæрæсейаг базармæ цы продукттæ   хъуамæ цæуой æрвыст, уыдон номхыгъд рауæрæх кæнынæн ма  уæлæмхас саразын цы хъæуы, уый тыххæй, цы саразын хъæуы, цæмæй арæзт æрцæуой куысты ног бынæттæ æмæ республикæйы социалон къабазæн баххуыс кæныны тыххæй», – загъта Уæрæсейы Федерацийы Президент Владимир Путин.

Бибылты Анатоли Уæрæсейы Федерацийы Президентæн загъта бузныджы ныхæстæ, Уæрæсейы Федерацимæ йæ официалон балцы кæй фæхуыдта, уый тыххæй æмæ банысан кодта, Уæрæсейы Федерациимæ Республикæ Хуссар Ирыстоны ахастытæ бæрзонд æмвæзадыл кæй сты.

«Æхсæнпаддзахадон ахастытыл куы дзурæм, уæд абоны онг къухтæ æрфыстам 100 сразыдзинадæй фылдæрыл, къухтæ æрфыссынмæ ноджыдæр цæттæ цæуынц къорд сразыдзинады. Уыдон фæахъаз уыдзысты интеграцион процессты  æмæ экономикон ахастыты рæзтæн», – банысан кодта Республикæ Хуссар Ирыстоны Президент Бибылты Анатоли.

Уый Владимир Путинæн радзырдта экономикæйы рæзты развæлгъау саразгæ къахдзæфты тыххæй.

«Абон мах не ‘ргом аздæхтам экономикæйы рæзтмæ. Уый у фæткъуыбæлæсты ныссагъд, дзидзайы продукцийы рауагъд, рæзын кæнæм социалон къабаз дæр. Æз афтæ хъуыды кæнын, æмæ махæн ноджы фылдæр бантысдзæн Уæрæсейы Федерацийы æххуысы фæрцы», – загъта Бибылты Анатоли.

Comments are closed, but trackbacks and pingbacks are open.