РХИ-йы Президент Бибылты Анатоли йæхимæ райста Хъæрæсе-Черкессийы Республикæйы делегацийы, йæ сæргъ ацы республикæйы Нациты, дзыллон коммуникациты æмæ мыхуыры хъуыддæгты фæдыл министры хæстæ æххæстгæнæг Ислам Хубиев, афтæмæй.
Бибылты Анатоли, уазджытæн раарфæ кæнгæйæ, банысан кодта хæларадон ахастытæ, кæцытæ сæвзæрдысты Хъæрæсе-Черкессийы Республикæ æмæ Республикæ Хуссар Ирыстоны ‘хсæн.
«Бузныг уын, махæн ахæм ахсджиаг чи у, уыцы бæрæгбоны хайад кæй райстат, уый тыххæй. Хуссар Ирыстон алыхатт дæр æнкъардта Хъæрæсе-Черкессийы хæлар ахаст. Цæвиттонæн мæ бон æрхæссын у 2008 аз, уæд Хуссар Ирыстоны адæм реабилитаци цыдысты Хъæрæсе-Черкессийы», – загъта Президент.
Уый ма банысан кодта, зæгъгæ, план кæны активонæй Хъæрæсе-Черкессийы Республикæ æмæ Цæгат Кавказы æндæр республикæтимæ ахастытæ рæзын кæнын.
«Хуссар Ирыстон йæхи нæ хицæн кæны кавказаг адæмты стыр бинонтæй, кæцытæ алыхатт дæр хъуамæ цæрой сабыр æмæ кæрæдзи æмбаргæйæ. Ахастытæ фæарфдæр кæ-ныны нысанæн план кæнын Цæгат Кавказы республикæты бабæрæг кæнын», – загъта Бибылты Анатоли.
Ислам Хубиевы Хуссар Ирыстонæн бафæндыд дидинæфтыд.
«Мах ам нæхи æнкъарæм уазæгуаты нæ, фæлæ куыд нæхи хæдзары. Афтæ хъармæй нæ райстой Цхинвалы. Хуссар Ирыстонæн нæ зæрдæ зæгъы дидинæфтыд, æмæ дæуæн та – æнтыстытæ Райгуырæн бæстæйы фæрныгадæн», – загъта Хъæрæсе-Черкессийы Республикæйы минæвар Хуссар Ирыстоны Президентæн.
Comments are closed, but trackbacks and pingbacks are open.