Марияйы театры аивадон къухдариуæггæнæг Гергиты Валери æмæ Уæрæсейы Федерацийы Хуссар Ирыстоны минæвар Гасситы Знауырæн фембæлд уыд Воронежы областы губернаторы хæстæ рæстæгмæ æххæстгæнæг Александр Гусевимæ, – хъусын кæны УФ-йы РХИ-йы минæварады пресс-службæ.
Маэстро Гергийы фырт Воронежмæ æрцыд Марияйы театры симфонион оркестримæ XVII-æм Мæскуыйаг куадзæны фестивалы фæлгæтты.
«Ныхасы рæстæджы, кæцы райдыдта куадзæны фестивалы темæйæ, банысан кодтой, зæгъгæ, симфонион, хорон, камерон программæтæ 32 бонмæ хъуамæ уагъд æрцæуой 30 уæрæсейаг горæтты, афтæ ма уынаффæ кодтой Воронежы областы æмæ Хуссар Ирыстоны ‘хсæн æмгуыстады интенсификацийы фарстытыл», – банысан кодтой минæварады.
Ахсджиагыл нымад æрцыдысты дыууæфарсон интеграцион процесстæ фæарфдæр кæнын æмæ уæрæсейаг регионтимæ контакттæ фæактивондæр кæнын.
«Уый фæдыл 2016 азы октябры мæйы Хуссар Ирыстонмæ Воронежы областы хицауадон делегацийы визиты рæстæджы минæварады æххуысы руаджы къухты бафтгæ бадзырдты реализацийæн æрцыд æвæрццаг аргъ», – сæ ныхасмæ бафтыдтой хуссарирыстойнаг дипломатон минæварады.
Воронежы фембæлды рæстæджы фæрстæ банысан кодтой социалон-экономикон æмæ культурон фадгуыты дарддæры рæзты æнæмæнгхъæуындзинад.
Comments are closed, but trackbacks and pingbacks are open.