Хуссар Ирыстоны электроэнергийы хæстæ сты 320 милуан сомы. Ацы азы æрмæст 9 мæймæ хæстæ систы 103 милуан 515 мин сомы.

Уыцы хæстæй 53 проценты сты физикон цæсгæмтты, 29 проценты  коммерцион æмæ 18 проценты та  сты бюджетон организациты хæстæ.

Хæстæ кæй рæзынц, уымæн йæ аххосæгтæ цы сты æмæ куыд рахизæн ис ацы уавæрæй?

Ацы фарсты фæдыл нæ уацхæссæгæн радзырдта РХИ-йы Сæудæджерад, транспорт æмæ энергетикæйы комитеты сæрдар Бекъойты Геннади. Уый ма у электрохызæгтæм электороэнерги   адæттыны рæстæджы цы электроэнерги сæфы, уый фæкъаддæр кæныны æмæ бахардзгонд электроэнергийы фиддонты бæрæггæнæнтæ фæхуыздæр кæныны фæдыл Æхсæнведомствойон къамисы сæрдар дæр, кæцы йæ куыст райдыдта ноябры мæйы.

— Къамисы фæстаг рабадты нысан æрцыдысты сæйрагдæр фарстытæ, кæцытæ хъуамæ аскъуыддзаг кæной электроэнергийы аргъ иугæндзыгон нæ фидыны проблемæ.

— Абон уæлдай карздæрæй лæууы фиддонты æмбырдкæнынады тыххæй фарст. Адæттæн хæххытыл сæфæг электроэнерги  æмæ фиддонтæ фæфылдæр кæныныл кусæг къамис хъавы фарст аскъуыддзаг кæныны тыххæй иукъорд мадзалы сæххæст кæнынмæ. Къамисы сконды сты канд профилон æмæ æххæстгæнæг органтæ нæ, фæлæ ма Парламенты минæвæрттæ дæр.

Уыцы мадзæлтты нымæцы сты къамисы архайды барадон бындуртæ баххæст кæнын, административон мадзæлттæ исын, электороэнергийы хæрдзты хыгъд æрнывыл кæнын куыд горæты, афтæ республикæйы районты дæр.

— Фæнды нæ сбæлвырд кæнын, гæнæн ис фиддонтæ æмбырд кæныны ныллæг æмвæзад баст уа, цæрджытæн электроэнергийы тарифтæ æгæр бæрзонд кæй сты, уыимæ?

— Статистикæ æмæ  фæлтæрддзинад куыд æвдисынц, уымæ гæсгæ цæрæнуатон-коммуналон хæдзарады хæсты мæгуырау уавæр фылдæр хатт баст вæййы фæлхасгæнджытæ фиддонтæ фидынхъом кæй не сты уыимæ нæ, фæлæ фиддонты æмбырд кæныны æмæ хæстæ ма æруадзыны фæдыл процесстыл раст кæй нæ къухдариуæг кæнынц, уый аххосæй. Тарифтæ бакуыст æрцыдысты нырыккон методикæтæм гæсгæ, хъуыддæгты реалон уавæр хынцгæйæ. Уыимæ тарифтæ махмæ сты,  стандартмæ гæсгæ куыд хъуамæ уой, уымæй бирæ хатты ныллæгдæр.

— Цахæм мадзæлттæ райсын хъæуы фыццаг рады, цæмæй адæм активондæрæй райдайой бахардзгонд электроэнергийы фиддонтæ фидын?

— Мах куынæ сифтонг кæнæм фиддонты æмбырдтæ, уæд энергоресурсæй ифтонггæнæгæн цы хъуамæ радтæм. Ахсджиаг у хæслæвæрдтæ æххæст кæнын æмæ афоныл бахардзгонд электроэнергийы тыххæй фидын.

 — Куыд кусдзыстут сæвзæргæ хæстимæ?

— Хæстимæ кусын хъæуы, куыд гæнæн ис, афтæ ахадæндæрæй.  Хъæуы хæсты тыххæй хъусын кæнын, афтæ саразын, цæмæй цæрджытæн æнцондæрвадат бынæтты фадат уа фиддонтæ оперативонæй фидынæн. Афтæ ма æхсæнведомствойон къамисæн бахæсгонд æрцыд бахардзгонд электроэнергийы тыххæй бынтондæр чи нæ фиды, уыдон ныхмæ административон мадзæлттæ фæкарздæр кæныны фæндæттыл бакусын æмæ сæ æрбавдисын, куыд физикон, афтæ юридикон цæсгæмтты ныхмæ дæр.

Хъæуы фарст аскъуыддзаг кæнын, æвæндонæй æнæбары йæ бæстон цæрæн бынат чи ныууагъта, уыдон кæм æрбынат кодтой, уыцы бынæтты бахардзгонд электороэнергийы хæсты фæдыл дæр. Ацы проблемæйы фæдыл фæндæттимæ æввахс рæстæджы мах хъуамæ бахатæм Хицауадмæ.

Уымæй дарддæр ма, арæзт æрцыдысты кусæгон къордтæ къамисы уæнгты, районты администрациты æмæ районты эксплуатацион службæты сæргълæуджытæй, хызæгтæм адæттыны рæстæджы цы электороэнерги сæфы, уый аххосæгтæ сбæрæг кæныны тыххæй.

Къаимсы уæнгтæн ма Цхинвалы админисрациийы къухдариуæгады æмæ бирæфатерон кооперативон хæдзæртты минæвæрттæн иумæ бахæс æрцыд бахизæнты рухсыты фарстыл бакусын бахардзгонд электороэнерги фидджыты сбæрæг кæныны нысанæн. Кæй зæгъын æй хъæуы, бахардзгонд электорэнергийы хынцыны тыххæй хъæуынц нырыккон фæрæзтæ дæр.

— Хынцыд æрцæудзысты æмбæстæгты æххуысхъуаг категориты интерестæ?

Къамис нысанмæздæхтæй бацархайдзæн цæрджыты алыгъуызон къордæн бахардзгонд электороэнергийы социалон нормæтæ бакусыныл. Уымæй дарддæр, къамисы уæнгтæ республкæйы Æнæниздзинад хъахъхъæныны министрадимæ иумæ кусынц æмбæстæгты хицæн категоритæн электороэнергийы фиддонты фæдыл льготæтæ радтыныл.

Нæ бакæнгæ куысты тыххæй дзырд цæудзæн къамисы æввахсдæр рабадтытæй сæ иуы.

Comments are closed, but trackbacks and pingbacks are open.