Апрелы мæйы райдианы Хетæгкаты Къостайы номыл Хуссар Ирыстоны паддзахадон драмон театры сфæлдыстадон коллектив гастролон балцы ацæудзысты æмæ хайад райсдзысты хæдбар паддзахадты æмхæларады æмæ Балтийы бæстæты XXIV дунеон театралон фестиваль «Встречи в России»-йы, кæцы уагъд цæудзæнис Санкт-Петербургы. Хуссар Ирыстоны паддзахадон драмон театры пресс-службæйы нын куыд фехъусын кодтой, уымæ гæсгæ хуссарирыстойнаг труппæйы ацы фестивальмæ фæхуыдтой Театр-фестиваль «Балтийский домы»-ы къухдариуæгад. «Мах ацы фестивальмæ фæхуыдта театр-фестиваль «Балтийский дом». Кæй зæгъын æй хъæуы, ацы хъуыддагыл сæмбæлдыстæм стыр æхсызгонæй, уымæн æмæ та радон хатт нæ артисттæ уырыссаг сценæмæкæсджыты базонгæ кæндзысты ирон аивадимæ, ирон культурæимæ. Мах гастролон балцы немæ хæссæм режиссер Роман Габриайы æвæрд литературон-музыкалон спектакль «Къоста»-йы. Спектакль у цымыдисон æмæ йын, мæнмæ гæсгæ, аккагæй саргъ кæн-дзысты театрдзаутæ. Фестивал уагъд цæудзæнис цалдæр боны дæргъы, райдайдзæнис 4-æм апрелæй æмæ фæуыдзæнис 10-æм апрелы. Фестивалы программæмæ гæсгæ нæ артисттæ 9-æм апрелы «Балтийский дом»-ы стыр сценæйыл равдисдзысты спектакль «Къоста». Ацы спектакль фыццаг хатт нæ театры сценæйыл æвæрд æрцыдис 2019 азы», – банысан кодтой пресс-службæйы.

                                          Нæ уацх.

Ацы æрмæджытæ дæр бакæс:

Райсом райдайдзысты Абхазы культурæйы бонтæ Æнтыстджын  гастролон  балц Ульяновскæй Хуссар Ирыстонмæ Гастролон балцы — Краснодармæ ГАСТРОЛОН БАЛЦЫ – ХЪЫРЫММÆ ГАСТРОЛОН БАЛЦЫ – УÆРÆСЕЙАГ ГОРÆТТÆМ

Comments are closed, but trackbacks and pingbacks are open.