Республикæ Хуссар Ирыстоны Паддзахадон æдасдзинады комитеты пресс-службæ куыд фехъусын кодта, афтæмæй Гуырдзыстонимæ Хуссар Ирыстоны арæныл æрцахстæуыд арæныл хизыны фæтк фехалæг 33 адæймаджы. Уыдонæй 11 адæймаджы фехæлдтой паддзахадон арæны режим, 22 адæймаджы та – арæнхъахъхъæнынады режим.
«Республикæ Хуссар Ирыстоны Паддзахадон æдасдзинады комитеты арæнхъахъхъæнæг службæ барадон фæтк халыны алы цауы тыххæй дæр ауагъта фæдысгарæн куыстытæ. Процессуалон архайды фæстиуæгæн паддзахадон арæны административон-барадон фæтк халджыты ныхмæ райст æрцыд административон æндæвдады мадзæлттæ æмæ баконд æрцыд æмбарынгæнæн куыст», – фехъусын кодта пресс-службæйы минæвар æмæ ма йæ ныхасмæ бафтыдта, зæгъгæ, тæрхондоны уынаффæмæ гæсгæ 5 фæткхалæджы æрвыст æрцыдысты республикæйæн æддæмæ.
«Иумиагæй фæткхалджытæ цы ивартæ бафыстой, уыдоны фæстиуæгæн паддзахадон казнæмæ æхцайы фæрæзтæ бацыд 79 мин сомы бæрц», – банысан кодта ведомствойы минæвар.
Зæрдыл æрлæууынæн ма пресс-службæ фехъусын кодта, паддзахадон арæны æмæ арæнгæрон территорийы барадон режим барæй чи халы, уыдон конд кæй цæудзысты æрмæст административон бæрндзинадмæ нæ, фæлæ уголовон бæрндзинадмæ дæр.
Ацы æрмæджытæ дæр бакæс:
Республикæ Хуссар Ирыстоны Парламенты Уынаффæ
Æдасдзинады советы рабадт
Цæуыл тыхсынц арæнгæрон зонæйы цæрджытæ?
Паддзахадон æдасдзинады комитет æнтыстджынæй æххæст кæны йæ разылæууæг хæстæ
Джиоты Мурат: «Хуссар Ирыстон æмæ Уæрæсейы ‘хсæн паддзахадон арæны тыххæй бадзырд ноджыдæр дзурæг у, бæстæты æхсæн арæзт кæй цæуынц бадзырдон-барадон ахастытæ»
Comments are closed, but trackbacks and pingbacks are open.