Къахдзоныгътыл бырын чи уарзы, уыдонæн ныр фадат ис суанг февралы мæйы кæронмæ сæхи ирхæфсын, Цхинвалы Сывæллæтты сфæлдыстады галуаны раз цы ихын фæз байгом, уым.

Ног азы бæрæгбонмæ 31-æм декабры нæ горæты фыццаг хатт æвæрд æрцыд ихын фæз.

Фæсивæды инициативон центр «Ног фæлтæр»-ы сæрдар Цхуырбаты Сергей загъта: «Хуссар Ирыстоны нырмæ ихын фæз никуы уыд. Ныр байгом 31-æм декабры, Ног азы къæсæрыл. Ихын фæзы ифтонгад нын æрдæг азмæ радтой горæт Дзæуджыхъæуы бынæттон хиуынаффæйады администрацийы бадзырдты фæлгæтты», – загъта «Ног фæлтæр»-ы минæвар.

Ихын фæз байгом кæныныл архайдтой фæсивæдон центры уæнгтæ Цхинвалы администрацийы кусджытимæ.

Ихын фæзæн ис йæхи фæтк. «Йæ фæз иууыл иумæ у 700 кв. метры бæрц, кусдзæн зымæгон хъарм боныгъæдты дæр. Бынаты райсæн ис къахдзоныгътæн. Иу сахат ам хиирхæфсæны аргъ у 100 сомы», – зæгъынц администрацийы.

Уæдæ къахдзоныгътыл бырын чи уарзы, уыдонæн фадат уыдзæн суанг февралмæ сæхи ирхæфсынæн.

Цхуырбаты Сергей ма банысан кодта, фæсивæды организаци кæй бахатдзæн хицауадмæ, цæмæй ихын фæз Дзæуджыхъæуæй балхæной æмæ баззайа Цхинвалы.

Уæ зæрдыл уын лæууын кæнæм, ихын фæз кæй сырæзт фæсивæдон центр «Ног фæлтæр»-ы фæндæй, РХИ-йы Президент Тыбылты Леонид æмæ Цхинвалы администрацийы æмархайдæй.

Уазæгты М.

Ацы æрмæджытæ дæр бакæс:

Атомон ихсæттæг нау «Арктика»-йыл сæххæст 45 азы Default ThumbnailБæрæг æрцыд хæххон къахдзоныгътыл бырынæн курорты бынат РХИ-йы Уæлдæр Советы Фыццаг æрсидты депутатты иу къорды хъуыдытæ Default Thumbnail«Ног фæлтæр» – политикон цæттæдзинад æмæ æмбаргæдзинадыл хæст Фæсивæдмæ ис идеятæ, проекттæ

Comments are closed, but trackbacks and pingbacks are open.