9-æм июны уагъд æрцыд Æддагон политикæ æмæ æхсæнпарламентон бастдзинæдты фæдыл парламентон комитеты рабадт. Уагъта йæ комитеты сæрдар Дриаты Заза.

Боны фæткмæ хаст æрцыд Республикæ Хуссар Ирыстоны Президенты бахæсгæ Джусойты Константины кандидатурæ Республикæ Хуссар Ирыстоны Хицауады Сæрдары бынатæй снысан кæныны тыххæй. Дриаты Заза депутатты базонгæ кодта Джусойты Константины биографи æмæ фæллойадон архайдимæ. Уынаффæ кæныны рæстæджы Джусойы-фырты кандидатурæйы фарстыл сразы сты æмхъæлæсæй.

Уымæй уæлдай ма рабадты æруынаффæ кодтой Республикæ Хуссар Ирыстоны Генералон прокуроры бынатæй Багаты Магомеды ссæрибар кæнын æмæ Республикæ Хуссар Ирыстоны Централон æвзарæн къамисы скондæй Кокойты Таймуразы сисын сæхи куырдиæттæм гæсгæ.

Ацы фарстытыл æруынаффæ кæндзысты Республикæ Хуссар Ирыстоны Парламенты Президиумы радон рабадты.

Comments are closed, but trackbacks and pingbacks are open.