РХИ-йы Хицауады Сæрдар Пухаты Эрик Экологион, технологион æмæ арæзтадон хъусдарды комитеты коллективы базонгæ кодта сæ ног къухдариуæггæнæг Къуылыхты Таймуразимæ. Уый раздæр куыста Хицауады Сæрдары æххуысгæнæгæй.

Пухаты Эрик банысан кодта снысангонд разамонæгæн йæ профессионалон æмæ хисæрмагонд миниуджытæ æмæ равдыста йе ‘ууæнк, Къуылыхты Таймураз æнтысгæйæ кæй сарæхсдзæн йæ хæстæ æххæст кæнынмæ æмæ Комитеты куыст кæй ракæндзæн ног гъæдджын æмвæзадмæ.

«Республикæйы цæуынц активон арæзтадон-æндидзынгæнæн куыстытæ. Афæдзы кæрон мах хъуамæ эксплуатацимæ раттæм иукъорд социалон нысаниуæджы объекты Инвестицион программæйы фæлгæтты. Уымæ гæсгæ мах хъæуы квалификациджын специалист, арæзтадон фадыджы процесстæ мидæгæрдыгæй чи зоны, куыстуарзаг æмæ бæрнджын чи у, ахæм. Раст ахæм у Къуылыхты Таймураз», — банысан кодта Пухаты Эрик.

Дарддæр Хицауады Сæрдар бакаст Президент Бибылты Анатолийы Барамынд Къуылыхты Таймуразы Экологион, технологион æмæ арæзтадон хъусдарды комитеты къухдариуæггæнæгæй снысан кæныны æмæ йæ раздæры къухдариуæггæнæг Гæззаты Аленæйы йæ бынатæй ссæрибар кæныны тыххæй.

Къуылыхты Таймураз йæхи рады банысан кодта, зæгъгæ, коллективимæ иумæ ратдзæн æппæт хъарутæ дæр, цæмæй Комитеты куыст скæной ахадгæдæр.

«Мæ хæс у, цæмæй нырма базонгæ уон коллективимæ æмæ сын байхъусон сæ фæндæттæм Комитеты куыст фæхуыздæр кæныны сæраппонд. Фæнды мæ бузныг зæгъын республикæйы разамынадæн, се ‘ууæнк мыл кæй бафтыдтой, уый тыххæй, æмæ сæ æз та коллективы фæрцы фыдæнхъæл нæ фæкæндзынæн», — загъта ног снысангонд разамонæг.

Comments are closed, but trackbacks and pingbacks are open.