Стыр Уæлахизы боны цытæн Цхинвалы Театралон фæзуаты ауагъд æрцыд бæрæгбонон концерт. Концерт байгом кодта зынгæ хуссарирыстойнаг зарæггæнæг Тасойты Игорь. Уый раарфæ кодта Хуссар Ирыстоны адæмæн, уазджытæн æмæ сæрмагондæй та хæсты ветерантæн æмæ бахатыд адæммæ, цæмæй ветерантæн, къухæмдзæгъдæй раарфæ кæной æмæ 1945 азы Рейхстаджы къулы фарсмæ куыд уыд, афтæ иумæ ныхъхъæр кæной «Ура! Ура! Ура!».

Бæрæгбонон концерты хъуыстысты, куыд лирикон æмæ патриотикон зарджытæ, афтæ хæстон азты зарджытæ дæр.

Концерты хайад райстой РХИ-йы сгуыхт артисткæ Гатыгкоты Нинæ, эстрадон зарæггæнæг Гогинова Кристина, Хетæгкаты Къостайы номыл Хуссар Ирыстоны паддзахадон театры артист Саппиаты Залинæ, паддзахадон ансамбль «Симд»-ы къорд, адæмон артист Харебаты Тимур, Сывæллæтты хореографион ансамбль «Кафт», йæ къухдариуæггæнæг Хуссар Ирыстон æмæ Абхазы сгуыхт артисткæ Майя Четион, ансамбль «Малусæг» æмæ вокалон-инструменталон ансамбль «Мемориал». Сæ арæхстдзинад ма æвдыстой æвзонг гимнасткæтæ, Цхуырбаты Земæйы къухдариуæгадæй.

Фæлæ уæддæр æнахуыр атмосферæ, кæцыйы æкъардæуыд рыст æмæ уæлахиздзинад, патриотизм æмæ сабырдзинад, уæддæр арæзтой номхуындæй дæр хæстон азты зындгонд композицитæ, куыд «Катюша», «День победы», «Орел», «Друзья однополчане», кæцыты фæзуаты æрæмбырдуæвæг сценæмæкæсджытæ зарыдысты зарджытæ æххæстгæнджытимæ иумæ.

Концертон программæйы кæрон зарæг «День победы»-йы æххæст кæныны рæстæджы Цхинвалы ныррухс кодтой рæсугъд бæрæгбонон фейерверктæ.

Comments are closed, but trackbacks and pingbacks are open.