Республикæ Хуссар Ирыстоны Президент Тыбылты Алыксандры номыл Хуссар Ирыстоны паддзахадон университетимæ иумæ хоны Президентон конкурсы хайад райсынмæ биографион сочинениты

«Ирыстоны истори йæ хъайтарты биографиты»

Тыбылты Алык-сандры номыл Хуссар Ирыстоны паддзахадон университетыл 85 азы сæххæсты цытæн конкурс уагъд цæуы ахæм карон категоритæм гæсгæ:

  1. Тыбылты Алыксандры номыл Хуссар Ирыстоны паддзахадон университеты студенттæ. Уæрæсейы уæлдæр ахуыргæнæндæтты студенттæ — Хуссар Ирыстоны æмбæстæгтæ.
  2. Скъолаты хистæр кълæсты ахуыргæнинæгтæ, Хуссар Ирыстоны колледжтæ æмæ техникумты студенттæ.

Сочинениты номинацитæ:

  1. Рагон Ирыстоны хъайтартæ;
  2. Ирæттæ — Уаз Георгийы кавалертæ (Уаз Георгийы хæстон орденæй, Георгийы хæцæнгарзæй, салдатон Георгийы дзуæрттæй хорзæхджынтæ);
  3. Ирæттæ — Советон Цæдисы Хъайтартæ;
  4. Хуссар Ирыстоны хæдбардзинады сæрыл тохгæнæг хъайтартæ;
  5. Сабыр цардаразæг, Республикæ Хуссар Ирыстоны æндидзынгæг хъайтартæ.

Сочинениты радзурын хъæуы хъайтарты царды тыххæй, Ирыстоны, Уæрæсейы империйы, Советон Цæдисы, Уæрæсейы Федерацийы истортæм сæ хайбавæрды тыххæй, фидæн фæлтæртæн сæ цæвиттоны ахсджиагдзинады æмбарынады тыххæй.

Сочиненийы гуырахст хъуамæ уа 20 мыхуырон кæнæ къухæй фыст сыфы онг (æнцонфарсæн фыстæй), мыхуырон текстæн 14 кегль, Times New Roman, интервал 1,5.

Сочиненитæ фыст хъуамæ уой Республикæ Хуссар Ирыстоны паддзахадон æвзæгтыл, ист цæудзысты 2017 азы 8 сентябры онг.

Конкурсы хайадисджытæ се ‘ппæт дæр райсдзысты хайадисæджы дипломтæ. Конкурсы алы карон категори æмæ номинацийы фæуæлахизуæвджытæ дæр хорзæхджын æрцæудзысты Республикæ Хуссар Ирыстоны Президенты I, II, III къæпхæны дипломтæй, зæрдылдарæн лæвæрттæй æмæ æхцайы призтæй.

Конкурсы фæстиуджытæм гæсгæ скъоладзаутæн арæзт æрцæудзæн сочинениты æмбырдгонд, студенттæн та — зонадон куыстыты æмбырдгонд.

Сочинениты æрбадæттын хъæуы ахæм адресыл: Республикæ Хуссар Ирыстон, г. Цхинвал, Мæскуыйы уынг 1, Хуссар Ирыстоны паддзахадон университет, 218-æм кабинет, тел: +7(99-74)45-34-20

E-mail: yogu@mail.ru

Comments are closed, but trackbacks and pingbacks are open.