Къуайсамæ йæ кусæгон балцы рæстæджы Хицауады Сæрдар Пухаты Эрик бабæрæг кодта рынчындон, цыран фембæлд сæйраг дохтыр Цхуырбаты Ульянæимæ æмæ æруынаффæ кодтой хосгæнæн уагдоны актуалон фарстытыл.
Бирæ азты дæргъы Къуайсайы хъуыд нырыккон рынчындон, афтæ ма стоматологион кабинет, æмæ ныр æртыккаг аз сæ дыууæ дæр кусынц.
«Рынчындоны медицинон персоналæн æмæ рынчынтæн ис æппæт уавæртæ, фæлæ центрæй дард æндæр хосгæнæн-профилактикон уагдæттау, махмæ дæр ис кæцыдæр специалистты дефицит, кæцыты фæдыл хъæуы республикæйы столицæмæ цæуын. Хорз у, стоматологион кабинеты проблемæ иуварс кæй æрцыд, уый. Мах райгонд стæм дохтыры куыстæй», – ба-нысан кодта Цхуырбаты Ульянæ.
Фадатæй спайда кæнгæйæ, стоматологион кабинеты пациенттæ бузныджы ныхæстæ загътой стоматолог Сиукъаты Ингæйæн æр-мæст йæ профессионализм нæ, фæлæ йæ адæймагон миниуджыты тыххæй дæр.
«Раздæр мах хъуыд Цхинвалмæ цæуын дæндæгтимæ баст алы проблемæйы тыххæй дæр. Уый бирæ рæстæг домдта. Ныр махæн ис нæхи дохтыр, уый у хорз специалист æмæ адæймаг. Æфсæрмы-гæнаг, фæлмæнзæрдæ, йæ куыст хорз чи æххæст кæны, ахæм. Бузныг нæ дохтырæн æмæ нæ Хицауадæн, æвзонг специалисттæн ахæм куысты уавæртæ кæй аразынц, уый тыххæй», – загъта пациенттæй сæ иу.
«Æз аскъуыддзаг кодтон районон центры кусын, уымæн æмæ столицæйы куысты бынæттæ нæ уыд. Стоматологийы кабинеты ифтонгад у нырыккон домæнтæм гæсгæ, кæцы мын фадат дæтты мæ куыст æмбæлон æмвæздыл æххæст кæнынæн. Мæнæн мæ куыст æмæ адæмимæ ныхас кæ-нын мæ зæрдæмæ цæуы», – банысан кодта дохтыр.
Хицауады Сæрдар банысан кодта, зæгъгæ, паддзахад æвзонг кадртæн фадат дæтты хъæуты вакантон бынæттæм бацæуын æмæ сæ цæрæнуатæй сифтонг кæнынæн.
«Республикæйы районты дохтырон ваканситы уæвынадмæ æмæ цæрыны фадæттæм æнæ кæсгæ-йæ, фæсивæд нæ тырнынц сæрибар бынат агурынæн, кæд районты инфраструктурæ æмæ транспортон бастдзинад фæхуыздæр, ис дзы интернет, уæддæр хуыздæр у куыст райдайын профилмæ гæсгæ. Æвзонг специалисттæ, кæцытæ ацæуынц районтæм, республикæ-йы хъæутæм, уыдонæн хъæуы кад кæнын æмæ бузныг зæгъын», – банысан кодта Пухаты Эрик.
Comments are closed, but trackbacks and pingbacks are open.