Компани БТК-4 абон цытджын æгъдауæй нæ горæты байгом кодта магазин, цыран уæй цæудзысты йæ хуыд продукцийы хуызтæ.

Цытджын церемонийы хайад райста нæ бæстæйы сæргълæууæг Бибылты Анатоли. Президент магазины фыццаг æлхæнæг кæй ссис, уый нысанæн балхæдта хæдон.

БТК-4 генералон директор Коцты Хъазбег банысан кодта, магазины кæй уæй кæндзысты куыстуаты уагъдцæуæг продукцийы æппæт хуызтæ дæр. Уый загъта: «БТК-групп»   нæ республикæйы цæрджытæн кæны радон лæвар. Ам уæй цæудзæнис скъолайы формæ, алыгъуызон хæдæттæ, куыстуæттæн сæрмагонд дарæс. Афтæ ма фæнд кæнæм нæ продукцийы хуызтæ фæуæрæхдæр кæнын æмæ нæ ныфс ис нæ магазины дарæс æлхæнджытæ кæй уыдзысты райгонд».

Уый ма куыд загъта, афтæмæй ныртæккæ фабрикæйы кусынц 570 кусæджы. Фидæн азмæ та фæнд кæнынц сæ кусджыты нымæц  720 адæймаджы онг фæфылдæр кæнын.

РХИ-йы Президент раарфæ кодта «БТК-групп»-ы президент Боллоты Таймуразæн, кæцыйы хъæппæрисæй ныртæккæ уæвынад кæны Цхинвалы хуыйæн фабрикæ БТК-4. Афтæ ма Президент арфæ ракодта, фабрикæйы чи кусынц, уыдонæн сæ æнтыстджын куысты тыххæй æмæ загъта: «Боллоты Таймуразы руаджы нæ республикæйы куыстæй ифтонг сты 570 кусæджы. Банысан кæнын хъæуы фабрикæйы кусджыты цæсгомджын куыст дæр, кæцыйы   фæстиуæгæн æрбайгом фабрикæйы сæрмагонд магазин», – загъта Президент.

Паддзахады сæргълæууæг азылд фабрикæйы цехтыл æмæ лæмбынæгдæр базонгæ   куысты уавæртимæ.

Уазæгты М.

Comments are closed, but trackbacks and pingbacks are open.