Хуссар Ирыстоны Юстицийы министр Лалыты Залинæйæн пресс-конференци уыд Информаци æмæ мыхуыры паддзахадон комитеты пресс-центры.
Министр куыд банысан кодта, афтæмæй йæ дæлбар министрад у бирæпрофилон ведомство. Министрад æнгом куыст кæны йæ дæлведомствотимæ. Нырттæккæ йæ дæлбар ведомствотæй дыууæйы хъуамæ ауагъдæуа реформæ.
Дарддæр Лалыты Залинæ дзуаппытæ лæвæрдта журналистты фарстатæн.
Парти «Аланийы коммунисттæ»-йы бындурæвæн съезды тыххæй уый банысан кодта, зæгъгæ, Юстицийы министрад срегистраци кодта политикон парти «Аланийы коммунисттæ»-йы оргкомитет. Уый фæстæ партийæн уыд 6 мæйы æмгъуыд æмбырдтæ ауадзын, бындурæвæрæн документтæ бацæттæ кæнын æмæ бындурæвæрæн съезд ауадзыны тыххæй.
Министр куыд загъта, афтæмæй ведомство официалонæй хуынд не ‘рцыд партийы съездмæ, кæцы хъуамæ ауагъд æрцыдаид Къуайсайы, фæлæ хъусинаг бакастысты газеттæ «Хурзæрин» æмæ «Южная Осетия»-йы. Уый фæстиуæгæн Юстицийы министрады минæвæрттæ Къуайсамæ банысангонд рæстæджы куы бацыдысты, уæд нæдæр адæм æмæ нæдæр партийы минæвæртты баййæфтой бынаты, уый та уый нысан кодта, æмæ банысангонд рæстæг æмæ бынаты парти съезд нæ ауагъта. Кæй зæгъын æй хъæуы, Юстицийы министрады кусджытæ фæстæмæ раздæхтысты æмæ съезд ауагъд кæй не ‘рцыд, уый банысан кодтой.
Журналистты цымыдис кодта, политикон парти «Аланты цæдис» цы аххосæгтæм гæсгæ не ‘рцыд регистраци, уый тыххæй фарст.
Министр куыд бамбарын кодта, афтæмæй закъонмæ гæсгæ, цæмæй политикон партийы оргкомитет административон иуæгты æмбырдтæ ауадза, бацæттæ кæна æппæт хъæуæг документаци, æмæ бындурæвæрæн съезд ауадза, уый тыххæй ын лæвæрд цæуы 6 мæйы æмгъуыд. Фæлæ политикон парти «Аланты цæдис» уыцы домæнтæ не сæххæст кодта, нæ йын сфаг уыцы æмгъуыд – йæ документтæ Юстицийы министрадмæ балæвæрдта æмгъуыды фæстаг мæй.
«Бындурæвæрæн документтæ лæмбынæг ахуыр кæныны рæстæджы рабæрæг згъуыдтæ уыцы документты дæр æмæ партийы уагæвæрды дæр. Аиппытæ фаг уыдысты, цæмæй парти регистраци ма æрцыдаид, уый тыххæй. Быцæудзинæдтæ сын ис фæллойадон закъондæттынадимæ, политикон партиты тыххæй закъонимæ æмæ Æмбæстагон кодексимæ. Партиты сбæрæг «двойниктæ», ома, æндæр партиты дæр чи ис, 10 ахæм адæймаджы», – загъта министрады сæргълæууæг æмæ æнæбын-дур схуыдта, соцхызæджы ахæм хъусынгæнинæг-тæ, зæгъгæ, Юстицийы министрад ацы партийы ба-рæй не срегистраци кодта, æмæ сæ, зæгъгæ, уый фæстиуæгæн нæ бауагъта 2019 азы парламентон æвзæрстыты хайад райсынмæ.
Министр куыд бамбарын кодта, афтæмæй министрад партийы документтæ фæстæмæ раздæхта 30 майы, фæлæ сæ куы срегистраци кодтаид, уæддæр «Аланты Цæдис»-æн йæ бон нæ бауыдаид парламентон æвзæрстыты хайад райсын, уымæн æмæ, закъонмæ гæсгæ, партийæн æвзæрстыты хайад райсын æмæ æххæст-хъомысæй архайын йæ бон у, регионалон хайадты йæхи куы срегистраци кæна, æрмæстдæр, уый фæстæ, уымæн та сын рæстæг нæ уыд. Юстицийы министрадмæ йæ документтæ куы бадæтта, уый фæстæ йын ис иу мæйы æмгъуыд регионалон хайадты йæхи срегистраци кæныны тыххæй. Стыр хъыгагæн, министр ницы загъта, уыцы «двойниктæ» ма æндæр кæм сты, уыцы партитæ куыд регистраци æрцыдысты, уый тыххæй.
Министр куыд загъта, афтæмæй закъондæттынады нормæтæ æххæст кæнын домд цæуынц, ногæй цы партитæ рæзынц, æрмæст уыдоны ныхмæ нæ, фæлæ «зæронд» партиты дæр.
«Абоны бон бæрæг цæуынц политикон парти «Райгуырæн бæстæ»-йы документаци, бæрæг ма цæуынц æндæр политикон организациты документтæ дæр. Тæрхондоны уынаффæ рахæссынмæ ис парти «Алантæ». Уымæн дæр за-къондæттынадимæ ис ныхмæ-дзыдтæ. Мах сыл бахъаст кодтам тæрхондонмæ, уымæн æмæ уыдон 5 азы хайад нæ райстой æвзæрстыты, уый та закъонмæ гæсгæ нысан кæны, партийы сликвидаци кæнын кæй хъæуы. Ахæм аххосагмæ гæсгæ амæй размæ ликвидацигонд æрцыдысты политикон партитæ «Ирыстон сæрибардзинады фæзуат», «Фидæн», «Цыт æмæ рæстдзинад». Ноджы ма иу политикон парти «Рæстдзинад. Фæллой. Рæзт» фехъусын кодта, барвæндонæй хæлд кæй цæуы, уый тыххæй», – банысан кодта Лалыты Залинæ.
Йæ ныхæстæм гæсгæ, Юстицийы министрады бæрæггæнæнтæм гæсгæ Хуссар Ирыстоны ис 10 политикон партийы 40 регионалон хайадтимæ.
Юстицийы министрады регистрацигонд ис 180-йæ фылдæр æх-сæнадон организацийы алыгъуы-зон барадон формæтимæ. Уыдонимæ ведомство кусы æдзухæй.
«Куыд Юстицийы министрады къухдариуæггæнæг, афтæ мæ разы æвæрд ис иунæг хæс – закъоны фæлгæтты кусын. Абон Юстицийы министрад цы аразы, уый хъуамæ цæуа, закъонмæ гæсгæ цæрын кæй фæнды, уыцы адæй-мæгтæй алкæйы зæрдæмæ дæр», – банысан кодта министрады сæргълæууæг.
Дзыллон информацион фæрæзты минæвæртты цымыдис кодта ахæстоны бæстыхайы цал-цæггæнæн куыстытæ куыд цæуынц, уый.
Министр куыд бамбарын кодта, афтæмæй Æфхæрд æххæст-гæнæн Управленийы бæстыхайы цалцæггæнæн куыстытæ фæуыдзысты июны кæрон. Цалцæггонд æрцæудзæн цæрæн зонæ, ахæст-тæн арæзт æрцæудзæн хæрæндон дæр.
«Ахæстоны бæстыхайы арæз-тыл цæуы 80 азы, æмæ уал азы дæргъы цалцæг никуы æрцыд. Бæстыхай цалцæг цæуы æмæ дзы хæрæндон арæзтæуы Президент Бибылты Анатолийы фæрцы. Уый ацы проблемæ бамбæрста æмæ йæ аскъуыддзаг кæнынæн уавæртæ сарæзта – рахицæн ын кодта фæрæзтæ», – банысан кодта Лалыты Залинæ. Уый куыд загъта, афтæмæй бæстыхай цалцæг куы æрцæуа, уæд скъуыддзаг æрцæудзæн, ахæстоны рагæй фæстæмæ цы проблемæ ис, уый карз æфхæрды тæрхон цы ахæсттæн рахастæуыд, уыдон уыдзысты хицæнæй. Хъыгагæн, ахæм уавæртæ ныры онг нæ уыд ахæстоны. Министр ныфс бавæрдта, зæгъгæ, цалцæггæнæн куыстытæ фæуыдзысты ацы мæйы кæронмæ. Йæ ныхæстæм гæсгæ, ныртæккæ ахæстоны ис 28 ахæсты. Дыууæ адæймаджы та сты рæстæгмæдарæн изоляторы, уыдонæй сæ иу у сылгоймаг.
Ахæстты дистанцион ахуыры фарсты тыххæй, Юстицийы ми-нистр банысан кодта, зæгъгæ, ууыл нырма дзырд нæ цæуы. «Нырма уал ахæстоны æмбæлон уа-вæртæ саразæм, уый фæстæ хъуыды кæндзыстæм уыцы фарстыл дæр», – загъта министр.
Лалыты Залинæ ма радзырдта Юстицийы министрад фыццаг хатт кæй æрæвнæлдта, æххæстгæнæг хицауиуæгады органты нормативон акттæ кæм мыхуыр цæудзысты, ахæм бюллетень рауадзынмæ. Ныридæгæн уал рауагъд æрцыд бюллетены фыццаг номыр.
Йæ ныхæстæм гæсгæ, Республикæ Хуссар Ирыстоны Президенты, Хицауады æмæ паддзахадон хицауиуæгады æххæстгæнæг органты нормативон-барадон акттæ мыхуыр кæнын æмæ сæ тыхы бацæуыны фæткы тыххæй, паддзахады сæргълæууæджы барамындмæ гæсгæ, паддзахадон сусæгдзинад æмæ конфиденциалон информаци цы актты ис, уыдонæй дарддæр Юстицийы министрады регистраци цы акттæ æрцыдысты, уыдон хъуамæ мыхуыргонд цæуой газеттæ «Хурзæрин» æмæ «Юж-ная Осетия»-йы, фæлæ газетон фæзуат кæй нæ фаг кæны, уый тыххæй абоны онг иунæг акт дæр мыхуыргонд не ‘рцыд. Мыхуыргонд цы акт не ‘рцæуа, уый та йæ тыхы нæ уыдзæн æмæ, кæй зæгъын æй хъæуы, пайда дзы нæ цæудзæн цыфæнды барадон ахастыты, уыцы нымæцы тæрхондонон органты дæр.
Лалыты Залинæйы ныхæстæм гæсгæ, Юстицийы министрад фæндон бахаста, цæмæй нормативон-барадон актты мыхуыр кæныны фæткы тыххæй Президенты уæлдæр банысангонд барамындмæ æмæ Хицауады уынаффæмæ бахастæуа ивындзинад. Афтæ фыст кæм уыд, зæгъгæ, акттæ мыхуыр хъуамæ æрцæуой газеттæ «Хурзæрин» æмæ «Южная Осетия»-йы, уырдæм хаст хъуама æрцæуа баххæстгæнинаг, кæцымæ гæсгæ уыцы акттæ мыхуыр цæуой æххæстгæнæг хицауиуæгады нормативон-барадон актты бюллетены дæр, кæцы мыхуыр цæудзæн алы кварталы дæр. Бюллетень æрвыст цæудзæн алы ведомствомæ дæр.
Дзырд ма цыд æнæзмæлгæ исады регистрацийы фæдыл «иууон рудзынгы» тыххæй дæр. Министры ныхæстæм гæсгæ, Хуссар Ирыстоны районты цæрджыты исад регистраци кæнынæн арæзт æрцæудзæн «иу рудзынг», ома, æмбæстæгтæ цæмæй сæ исад срегистраци кæной, уый тыххæй сæ алы рæттæм æмæ кабинеттæм цæуыны сæр нал хъæудзæн, уымæн æмæ бынаты баконд æрцæудзæн уыцы «рудзынг», кæцы кусын райдайдзæн 1 июлæй.
«Республикæйы районты цæрджытæ цæмæй паддзахадон исад срегистраци кæныны тыххæй Цхинвалмæ ма цæуой, уый тыххæй бынæтты, администрацион иуæгтæм бадæтдзысты сæ документтæ æмæ сæ исгæ дæр ракæндзысты уырдыгæй. Уый тыххæй ныртæккæ уыцы куыст кæнын амындæуы, администрациты, техникон инвентаризацийы хайадты чи кусы, уыцы адæймæгтæн», – загъта ведомствойы сæргълæууæг.
Бынæттон администрациты ЗАГС-ты хайадты тыххæй та министр банысан кодта, зæгъгæ, «Æмбæстагон уавæры актты фысты тыххæй» закъоны лæмбынæг фыст ис, ома, «административон-территориалон иуæгты территориалон ЗАГС-тæ куы уа, уæд æппæт æххæстбартæ дæр уыдон хъуамæ æххæст кæной. Фæлæ закъоны иувæрсты хизгæйæ, ацы функцитæ æххæст кодтой поселокон æмæ хъæууон администрацитæ. Фæлæ Юстицийы министрад рахаста уынаффæ, кæцымæ гæс-гæ уыцы хæстæ ист æрцыдысты. Абон территориалон ЗАГС-тæ кусынц «Æмбæстагон уавæры актты фысты тыххæй закъонмæ гæс-гæ», – банысан кодта Юстицийы министр.
Министр дзуаппытæ радта журналистты æндæр цымыдисгæнæг фарстатæн дæр.
Осиаты Индирæ
Comments are closed, but trackbacks and pingbacks are open.