Ленингоры поселочы цæрджытæн æвдыст æрцыд уæрæсейаг нывæфтыд фильм «Три дня до весны», кæцы нырма прокатмæ нæ рацыд.

Кинофильм цалынмæ нæ райдыдта, уæдмæ Хуссар Ирыстоны «Россотрудничество»-йы минæварады къухдариуæггæнæг Михаил Степанов æрæмбырдуæвджытæн радзырдта фильмы сюжеты тыххæй, загъта сын, зæгъгæ, уый ист æрцыд Ленинграды æрхъулайы уæззау рæстæджыты тыххæй.

Хуссар Ирыстоны Уырыссаг æвзаг æмæ литературæйы ассоциацийы сæрдар Тедеты Залинæйы ныхæстæм гæсгæ, уыцы уæззау цаутæ алыхатт дæр нæ зæрдыл лæудзысты.

«Нæ мæлынц хъайтартæ, уыдон цæрынц махæй алкæйы зæрдæйы дæр, стыр бузныг Райгуырæн бæстæйы æппæт хъахъхъæнджытæн», — загъта Тедеты Залинæ.

Сæ рады, сценæмæкæсджытæн фильм æвдисыны рæстæджы сæ бон ссис историйы аныгъуылын æмæ кинолентæйы хъайтартимæ иумæ блокадон бонты уæззаудзинæдтæ банкъарын. Кинофильмы тыххæй йæ тæлмæнтæ нæ басусæг кодта Ленингоры поселочы цæрæг Мæргъиты Анатоли.

«Мæ зæрдæмæ тынг фæцыд фильмы сюжет. Стыр бузныг зæгъын «Россотрудничество»-йæн ивгъуыд истори нын нæ зæрдыл кæй æрлæууын кодтой, уый тыххæй. Хорз уаид, ахæм патриотон фильмтæ нын арæхдæр æвдыст куы цæуиккой».

Йæ рады Санкт-Петербурджы Суворовы æфсæддон ахуыргæнæндоны уырыссаг æвзаг æмæ литературæйы ахуыргæнæг Цхуырбаты Алан банысан кодта, зæгъгæ, æххæстметражон кинонывы æвдыст æрцыд адæмты иудзинад. «Ленингоры районы дæр цæрынц алы нациты адæймæгтæ, æз хъуыды кæнын афтæ, æмæ ацы фильм уыдоныл кæй бандæвдта  æмæ сæ кæрæдзимæ кæй æрбангом кодта», — загъта уый.

Уæ зæрдыл уын лæууын кæнæм, хуссарирыстойнаг сценæмæкæсæджы размæ рахæс-сыны тыххæй фильм «Россотрудничество»-йæн кæй радта «Ленфильм». 2017 азы 4 майы Уæлахизы боны 72-азмæ киностуди «Лен-фильм» систа режиссер Александр Касаткины  æххæстметражон киноныв «Три дня до весны». Фильмы сæйраг ролтæ сæххæст кодтой Кирилл Плетнев æмæ Елена Лотова. Фильмы гене-ралон продюсер у Эдуард Пичугин. Кинолентæ ист æрцыд Ленинграды æрхъулайы уæззау рæстæджы 1942 азы фыццаг блокадон зымæджы цытæн, æмæ дзы æвдыст цæуы го-рæты хъахъхъæнджыты сгуыхтдзинæдты тых-хæй. Паддзахадон æдасдзинады афицер Андреев æмæ æвзонг дохтыр Марицкая 72 сахатмæ, уалдзæджы æрбалæуды размæ æртæ бонмæ, хъуамæ аиуварс кодтаиккой катастрофæ. Дзырд дзы цæуы адæймæгты царды аргъыл, хъайтарты фæндагыл уыд уарзондзинад, гадзрахатдзинад, тагъд чи рæ-зынц, ахæм цаутæ æмæ интригæтæ.

Comments are closed, but trackbacks and pingbacks are open.