Мадæлон æвзаг – иры дзыллæйы сомбон

1993 азы РХИ-ы Уæлдæр Советы фыццаг æрсидты депутаттæ сæ фæстаг сессийыл райстой РХИ-йы Конституци æмæ дзы ирон æвзагæн лæвæрд æрцыд паддзахадон ста-тус. Уый та нысан кодта ирон æвзагæн стыр бартæ раттын, ома, Паддзахад хъуамæ ауда, хъахъхъæна æмæ куса ирон æвзаджы райрæзтыл. 1989 азы Хуссар Ирыстоны уæды хицауад райста ирон æвзаджы райрæзты фыццаг программæ. Дыккаг хатт та ахæм Программæ гуырахстджындæрæй ист æрцыдис 2010 азы. 2012-2016 азмæ уыцы программæйы фæлгæтты арæзт æрцыдис 60 чиныджы сабидæттæн билингвалон системæйæ Программæ «Малусæг»-ы авторты коллективы фæрцы (йæ разамонæг профессор Битарти Зоя Алыксандры чызг). Программæйы фæлгæтты ма цыппор дыууæ чиныгæй уæлдай бацæттæ кодтой нæ ахуыргæндтæ: Джусойты Н.Г., Гæбæраты Н.Я., Дзиццойты Ю.А., Битарти З.А., Хъазиты М.Р., Плиты Г.Г., Биазырты А.Р., Дзабиты З.П., Тыбылты И.Д. æмæ æндæртæ. Ныр та хъуамæ райдайæм кусын иннæ фондзазон (2017-2021 аз) программæйыл. Ныртæккæ ахуырты хъуыды у:

1. Тагъд рæстæджы саразын хъæуы ирон æвзаг дзыллон æгъдауæй сахуыр кæныны Программæ фонологийæ ныхасы культурæмæ.
2. Ирыстоны дыууæ хайы ахуыр минæвæрттæй паддзахадон æмвæзадыл саразын хъæуы Терминологион къамис.
3. Астæуккаг скъолайы фыццаг къласæй ирон гуманитарийы дисциплинæтæ ахуыр хъуамæ цæуой ирон æвзагыл.
4. Ирон адæм сабидонæй Президенты онг сæ архайды хъуамæ пайда кæной ирон æвзагæй.

Ацы æрмæджытæ дæр бакæс:

Ирон æвзаджы райрæзты æппæрццаг процессты аххосæгтæ Алы нацийы монон хæзна – æвзаг РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй Уынаффæ кодтой ирон æвзаджы рæзтыл 15 май Ирон æвзаг æмæ литературæйы бон