РХИ-йы Президент мæсæллæйы тел арвыста нырыккон абстрактон хуызфыссынады зынгæ минæвар, Республикæ Хуссар Ирыстоны æхсæнадон архайæг, Хуссар Ирыстоны адæмон нывгæнæг, Уæрæсейы сгуыхт нывгæнæг, Цæгат Ирыстон – Аланийы сгуыхт нывгæнæг, Уæрæсейы хуызфыссынады академийы цытджын уæнг æмæ уæнг-корреспондент, «Уацамонгæ»-йы ордены кавалер Козаты Ушангы хæстæджытæ æмæ хиуæттæм.
«Козаты Ушангы амæлæтæй Ирыстон фесæфта, йæ адæмæн чи скад кодта, уыцы фырттæй сæ иуы. Уый хайджын уыд йæ Райгуырæн бæстæйы æмбæстаг æмæ патриоты хуыздæр миниуджытæй, стыр бавæрд бахаста ирон адæмы национ-сæрибаргæнæн змæлдмæ. Уникалон хæдхуыз курдиаты хицау уæвгæйæ, Ушанг Алексейы фырт йæ фæстæ ныууагъта æгас дунейы нымад оригиналон аивадон бынтæ. Ирон адæм дзы сæрыстыр уыдысты.
Ацы фыдохы бон сымахимæ дих кæнын, баххæстгæнæн кæмæн нæй, уыцы зианы хъыг æмæ уын зæгъын мæ зæрдæбын мæсæллæйы ныхæстæ», – дзырдæуы телы.
_________________
Зынгæ ирон нывгæнæг, Республикæ Хуссар Ирыстоны адæмон нывгæнæг Козаты Ушанг æнæрæстæджы кæй фæзиан, уый тыххæй Республикæ Хуссар Ирыстоны – Паддзахад Аланийы Парламенты Сæрдар Гасситы Петр мæсæллæйы тел арвыста Козаты Ушангы бинонтæ æмæ хæстæджытæм. Мæсæллæйы телы дзырдæуы:
«Хуссар Ирыстоны æхсæнад тынг хъынцъым кæны, дунейы зындгонд нывгæнæг, Республикæ Хуссар Ирыстоны адæмон нывгæнæг, Уæрæсе æмæ Цæгат Ирыстоны сгуыхт нывгæнæг, йæ райгуырæн бæстæйы æцæг патриот Козаты Ушангы æнæрæстæджы фæзианы сæраппонд.
Гуырдзиаг агрессийы уæззау азты Козаты Ушанг лæууыд йæ адæмы фарсмæ, активон хайад иста Хуссар Ирыстоны хъахъхъæнынады, хорзæхджын æрцыд Республикæ Хуссар Ирыстоны уæлдæр паддзахадон хорзæх – «Уацамонгæ»-йы орденæй.
Республикæ Хуссар Ирыстоны Парламенты депутаттæ æмæ аппараты кусджыты номæй æмæ сæрмагондæй мæхи номæй хъыгзæрдæйæ мæсæллæй зæгъын зианджын бинонтæ æмæ хæстæджытæн».
Comments are closed, but trackbacks and pingbacks are open.