Ацы бонты мыхуыры рацыд журнал «Мах дуджы» 6-æм номыр.

Цæгат Ирыстоны адæмон фыссæг, аивæдты сгуыхт кусæг Цæгæраты Максимы райгуырдыл 100 азы сæххæсты цытæн журналы мыхуыр æрцыд йæ радзырд «Арты цæхæртæ». Журналкæсæг ма бакæсдзæн Мамиаты Таймуразы уац «Номдзыд Хъарадзау».

Поэзийы жанрæй мыхуыр æрцыдысты, поэт Джемалдин Яндиевы райгуырдыл 100 азы сæххæсты цытæн йæ æмдзæвгæты цикл «Уалдзæджы сидт», Къибирти Амурханы æмдзæвгæты цикл «Царды Игурæн».

«Уæлахиздзаутæ», зæгъгæ, ахæм рубрикæйы бын мыхуыр цæуынц Хекъилаты Цæразоны «Дард хæсты хæстæг уынæр» æмæ Таутиаты-Псхацъæты Лидæйы уац «Таутиаты зынгхуыст хæстонтæ».

Рубрикæ «Публицистикæ»-йы бын мыхуыр æрцыд журналист Хъодалаты Хансиаты «Кæд фысгæ, уæд – æргомæй» (уæрæсейаг мыхуыры тыххæй).

«Мах дуджы» равдыст» нæ зонгæ кæны, ирон аивады сæрмагонд бынат кæмæн ис, уыцы курдиатджын нывгæнæг Хетæггаты Хъазыбеджы конд нывтимæ, афтæ ма аивадиртасджытæ æмæ номдзыд нывгæнæг Гадайты Лазæр цы дзурынц нывгæнæджы тых-хæй, уыимæ.

«Æвыддывыдоны дуг»-ы бын мыхуыр æрцыд уац «Ирон æвзагзонынады фарстаты тыххæй наукон конференцийы.

Рубрикæ «Ирон прозæйы антологи» нæ зонгæ кæны Сечъынаты Ладемыры цыбыр биографиимæ. Мыхуыр ма цæуы йæ радзырд «Поезд анкъуысыд».

«Арвистон»-ы бын мыхуыр æрцыдысты «Эзопы æмбисæндтæ», «Цитатæтæ», цымыдисон хабæрттæ.

«Мах дуджы» кусджытæ тæфæрфæс кæнынц Хъайтыхъты Азæмæты фæзианыл.

Журналы цъары фæрстыл ис Хетæгкаты Хъазыбеджы конд нывтæ.

Comments are closed, but trackbacks and pingbacks are open.