Дунеон æхсæнадон-патриотикон проект «Звезда нашей Великой победы» 1941–1945 азты Стыр Фыдыбæстæйон хæсты советон адæмы уæлахизыл 71 азы сæххæсты цытæн 5 апрелæй уадзын райдыдта йæ эстафетæ. Проекты хайадисджытæ рацыдысты Цæгат Кавказы 11 горæтыл, маршрутмæ гæсгæ бабæрæг кæндзысты Дзæуджыхъæу, æрцæу-дзысты Хуссар Ирыстонмæ дæр.

Стыр Фыдыбæстæйон хæсты советон адæмы уæлахизыл 71 азы сæххæсты цытæн бæрæгбоны фæлгæтты Ветеранты æппæтуæрæсейон æхсæнадон организаци «Боевое братство» уæрæсейаг организацион комитет «Победа» æмæ Хæстон цыты горæтты цæ-дисы æххуысæй ацы аз 5 апрелæй 9 маймæ уадзы Дунеон æхсæнадон-патриотикон проект «Звезда нашей Великой Победы».

Хуссар Ирыстоны мадзæлттæ сорганизаци æмæ бацæттæ кæнын æмæ ауадзын бахæс æрцыд Фæсивæдон политикæ, спорт æмæ туризмы фæдыл комитетæн.

Патриотикон акци — автомарш Мысæн эстафетæ — «Звезда нашей Великой Победы» баиу кæндзæн Уæрæсе, Абхаз, Белоруси, Китай, Новоросси æмæ Хуссар Ирыстоны 100 горæты бæрц.

Проекты фондз маршруты — Архангельск, Брест, Севастополь, Дербент æмæ Уырыссаг сакъадахтæ нысан кæнынц Уæлахизы Тырысайы стъалыйыл фондз тыны. Проекты сæйраг хæс у советон адæмы бирæнацион хъæбатырдзинады историон мысынад бахъахъхъæнын, уымæн æмæ ныртæккæ Стыр Фыдыбæстæйон хæсты фæстиуджытæ мæнг кæныныл фæлварынц — уымæн ис сæрмагонд историон æмæ духовон æргъад.

Маршрутмæ гæсгæ алы горæты дæр проекты хайадисджытæ-ветерантæ æмæ фæсивæдон патриотикон организацитæн дæтдзысты дарддæры патриотикон акциты спайда кæнынæн Мысæн эстафетæйы символ — Уæлахизы Тырысайы егъау халдих.

Comments are closed, but trackbacks and pingbacks are open.