Республикæ Хуссар Ирыстоны Президент Бибылты Анатолийы къухдариуæгадæй уагъд æрцыд Хицауады рабадт.
Паддзахады сæргълæууæг бузныджы ныхæстæ загъта министрты кабинетæн, сæ хæстæ цæсгомджынæй кæй сæххæст кодтой, уый тыххæй æмæ сын банысан кодта сæ куысты эффективондзинад.
«Махæн нæ сæйраг хæс у Республикæ Хуссар Ирыстоны цæрджытыл аудын. Алы къахдзæф дæр хъуамæ арæзт цæуа, цæмæй адæм хатой алы министры æнувыддзинад дæр æмæ паддзахады раз цы проблемæтæ ис, уыдон иуварс кæй æрцæудзысты, уый», – загъта Бибылты Анатоли.
Уый фæстæ æруынаффæ кодтой боны фæткыл.
Æнæниздзинад хъахъхъæнын æмæ социалон рæзты министры хæстæ æххæстгæнæг Тотчиты Георги уынаффæ кæнынмæ рахаста Æнæниздзинад хъахъхъæнын æмæ социалон рæзты ми-нистры хæдивæджы бынатмæ Наниты Сосланы снысан кæныны фарст.
Наниты Сослан Отары фырт райгуырд Дзауы поселочы 1986 азы 19 майы.
2003 азы каст фæцис Казаны Суворовы номыл æфсæддон ахуыргæнæндон.
2004-2010 азты каст фæцис Санкт-Петербурджы Сергей Кировы номыл Æфсæддон-медицинон академи.
2016 азы каст фæцис Уæрæсейы Федерацийы Президенты цур Адæмон хæдзарад æмæ паддзахадон службæйы Уæрæсейаг академи.
2016 азы каст фæцис Санкт-Петербурджы паддзахадон университет профессионалонæй цæттæ кæныны программæйы фæдыл «Менеджмент æмæ æнæниздзинад».
2019 азы каст фæцис гом акционерон æхсæнад «Столичный многопрофильный институт дополни-тельного образования» уæлæмхас профессионалон ахуырад «Организация здравохранения и общественное здоровье»-йы программæйы фæ-дыл.
2020 азы бахъахъхъæдта медицинон зонæдты кандидаты зонадон къæпхъæн райсыны фæдыл диссертаци Уæрæсейы Федерацийы Æнæниздзинад хъахъхъæныны Иван Сеченовы номыл Фыццаг Мæскуыйаг паддзахадон медицинон университеты.
2020-2021 азты куыста Шлиссельбрджы горæтон рынчындоны къухдариуæггæнæгæй.
Министрты кабинет æмхъæлæсæй сразы сты ацы фарстыл.
Афтæ ма æруынаффæ кодтой «Бæрæг куыстытæ сæххæст кæныны тыххæй уæрæсейаг специа-листты кандидатурæты фæдыл кадрон агентады æмæ (кæнæ) Республикæ Хуссар Ирыстоны æмбæстагон-барадон бадзырдты бæрæг лæггæдтæ бакæныны уавæртыл Къамисы тыххæй» 2017 азы 27 январы Республикæ Хуссар Ирыстоны Хицауады Уынаффæмæ ивындзинæдтæ бахæссыны фарстыл.
Нысангонд æрцыд, кадрон ивындзинæдты æнæмæнгхъæуындзинад Хицауады Аппараты къухдариуæггæнæг Азæмæт Чамоковы Къамисы скондмæ бакæнын æмæ Хицауады Аппараты раздæры къухдариуæггæнæг Гаглойты Олегы йе скондæй сисын.
Comments are closed, but trackbacks and pingbacks are open.