Марты мæйы РХИ-йы Парламенты ист æрцыд закъон, кæцымæ гæсгæ нæ республикæйы магазинты æууилгæ тамако «Снюс» æмæ «Насвай» æмæ ма ахæм зианхæссæг буарадтæн уæй, æлхæнын æмæ пайда кæныны бар нæ уыдзæнис. Уыцы закъонхалджытæ канд ивар нæ цæудзысты, фæлæ ма уголовон бæрндзинадмæ дæр кæй цæудзысты конд, уый тыххæй хъусын кодтой дзыллон информацион фæрæзты руаджы.
Мидхъуыддæгты министрады æмæ “Югосетпотребнадзор”-ы кусджытимæ рейдтæ арæх фæуадзынц магазинты ахæм фæткхалæн цаутæ рафæлгъауыны нысанæн.
Æрæджы 8-æм июны уынджы магазинтæй сæ иуы уыдон баййæфтой уæйгæнæджы ацы зианхæссæг буарадты реализацигæнгæ. Уый магазины хицауы сусæгæй уæй кодта «Снюс».
Фæткхалæг конд æрцыд административон бæрндзинадмæ, афтæ ма æрцыд иваргонд 30 мин сомæй.
Ахæм цау нæ республикæйы фыццаг хатт нæу. Æрæджы та ацы буарад фæлвæрдтой æрбаласын Узбекистан æмæ Таджикистаны æмбæстæгтæ. Уыцы цаутæ рафæлгъауын та бантыст арæнхъахъхъæнджытæн.
Уазæгты Марфа
Comments are closed, but trackbacks and pingbacks are open.