Ног азы райдианмæ нæ республикæйы районты цæрджытæй ногарæзт хæдзæртты дæгъæлтæ Президенты къухæй лæвæрд æрцæудзæнис 28 амондджын бинонтæн.
27-æм декабры та ахæм хорздзинад сæмбæлд Хеит, Къостайыхъæу, Ход, Гъуертеу æмæ ма нæ горæты Комаровы æмæ Димитровы уынджы хицæн цæрджытыл. Ацы хæдзæрттæ арæзт æрцыдысты РХИ-йы Президент Бибылты Анатолийы хæрзаудæн фонд «Аланийы иудзинад»-ы финансон æххуысы руаджы.
Ацы фонды фæрцы цы хæдзæрттæ рæзы, уыдонæн се ‘мбис ныппырх Гуырдзыстоны агрессийы аххосæй 2008 азы, иннæ æмбис та уыдысты кæлæтдзаг хæдзæрттæ.
Хæдзæртты арæзтад фенын æмæ бинонтæн ногазон лæвæрттæ æмæ арфæтæ ракæныны нысанæн Президент бацыд Хеиты цæрæг Къуылыхты бинонтæм. «Уадз, алы хатт дæр уæ хæдзарæй хъуысæт сабиты хъæлæба. Хистæрты цæсгæмттыл та уæт æрмæстдæр циндзинады фæлм. Æз дæр абон сымахимæ иумæ амондджын дæн, ныр райдзаст хæдзары кæй цæрдзыстут уæ къух уын кæй фæрог кодтон».
Ног хæдзæртты бинонтæ сæ цин нæ урæдтой æмæ арфæтæ кодтой Президентæн. Уыдонæй алчидæр тырныдта, цæмæй Бибылты Анатолийæн зæгъа иууыл хуыздæр арфæтæ Ног азы бæрæгбоны охыл. Хæдзæртты хицæуттæ райгонд уыдысты чи сын сæ сарæзта, уыцы арæзтадон фирмæйæ дæр. Арæзтадон фирмæ «Гъаристау»-ы сæргълæууæг Коцты Нугзармæ хорз фæлтæрддзинад ис сæрмагонд хæдзæрттæ аразыны. Уый цалдæр азы кæны ахæм куыстытæ æмæ дзы æрвылхатт дæр райгонд вæййыц цæрджытæ.
Азы кæронмæ ногарæзт хæдзæртты дæгъæлтæ райсдзысты иннæ бинонтæ дæр!
Хæрзаудæн фонд «Аланийы Иудзинад»-ы финансон фæрæзтæй ма нæ республикæйы ацы аз сырæзт 30 муниципалон фатеры æмæ ивд æрцыдысты 150 хæдзары æмбæрзтытæ.
УАЗÆГТЫ Марфа
Comments are closed, but trackbacks and pingbacks are open.