Республикæ Хуссар Ирыстоны Президент Тыбылты Леонид йæ къух æрфыста бардзырдыл сæвзæрст президент Бибылты Анатолийы инаугураци 21 апрелы ауадзыны тыххæй, раздæр нысангонд куыд уыд – 22 апрелы, афтæ нæ фæлæ. Уый тыххæй фехъусын кодта бæстæйы сæргълæууæджы пресс-нымæрдар Гана Яновская.
Бибылты Анатолийæн йæхи ныхæстæм гæсгæ, афтæмæй хæлд не ‘рцæудзысты æмгъуыдтæ, æмæ цытджын мадзал нæ байсдзæн улæфтбоны дæр.
«Майрæмбон бирæ хæрзвадатдæр у паддзахадон мадзæлттæ уадзынæн Хуссар Ирыстоны цæрджытæн дæр, стæй инаугурацимæ æрхуынд адæмæн дæр», – бæлвырдæй загъта Бибылты Анатоли.
Банысан кæнын хъæуы уый, æмæ церемони уагъд кæй цæудзæн Цхинвалы, горæты стадионы.
Ацы æрмæджытæ дæр бакæс:
Адæмы æууæнк – стыр бæрны хъуыддаг
Æвзæрстыты агъоммæ РХИ-йы Президент Тыбылты Леониды фембæлдтытæ
Тыбылты Леониды кусæгон балц Къуыдаргоммæ
«Тыбылты Леонид у республикæйы куырыхондзинад, куыстхъомдзинад æмæ стабилондзинад»
Республикæ Хуссар Ирыстоны Президент Тыбылты Леониды интервью телеканал «Россия 24»-йæн
Comments are closed, but trackbacks and pingbacks are open.