30-æм марты «Мегафон-Хуссар Ирыстон»-ы сæйраг офисы уагъд æрцыд презентаци тарифон ног линейкæ «Дæ»-йæн. Мобилон оператор «Мегафон» ацы тарифты ног пакетыл куыста цыппар мæйы бæрц æмæ ныр уыдон рахаста журналистты размæ. Компанийы генералон директор Николай Фирсов радзырдта ног линейкæйæ пайда кæныны уавæртыл.
«Тарифон линейкæ рацыд тестон фæлварæнтыл. Специалисттæ куыстой, цы ног линейкæ уын рахастам абон уæ размæ, ууыл. Алы трафикмæ дæр уыд индивидуалон ахаст. Куыд хуыздæр, куыд æнцонвадатдæр уыдзæн абонентæн, уыцы куыст кæронмæ бахæццæ. Ныр мах сæххæст кодтам нæ фæндтæ. Æз афтæ хъуыды кæнын, æмæ нæ ног тарифон линейкæимæ чи базонгæ уа, уымæн æнæмæнг йæ зæрдæмæ фæцæудзæн ногдзинад», – загъта Николай Фирсов.
«Мегафон-Южная Осетия»-йы коммерцион директор Санахъоты Ларисæ та радзырдта: «Дыууæ азы размæ – S, M, L, XL æмæ XXL тарифтæ конд æрцыдысты, фæлæ уыдон дæр кусдзысты, архивмæ нæ ацæудзысты. Уыдонæй дæр пайда кæндзысты абоненттæ. Фæлæ цард размæ цæуы, бонæнивд кæнынц бастдзинады уавæртæ. Ног тариф «Стартовый» уыдзæн æнцонархайæн, уæлдайдæр та, хызæджы мидæг бастдзинадæй чи пайда кæны, уыдонæн. Иу мæймæ 800 сомæй фæдзурæн уыдзæн 600 минуты, йæ трафик та уыдзæн 8 Гб. Тариф «Цифровой» та æнæлимитон у. Бахизæн дзы уыдзæн мессенджер æмæ социалон хызæгтæм. Афтæ ма абоненттæн дæтдзæнис 15 Гб интернет трафик æмæ 1000 минут хызæджы мидæг дзурын. Иу мæйы фиддон уыдзæн 1000 сомы. Иууыл егъаудæр пакет у тариф «Максимальный», ис ын æнæлимитон бахизæн æрмæст мессенджертæм æмæ музыкалон фæзуæттæм. Уымæй дарддæр 50 Гб трафик æмæ 2000 минуты хызæджы мидæг дзурынæн. «Стартовый» æмæ «Цифровой» тарифты ма ис ног опци «Мегафон 100 минут». Абоненттæ сæхæдæг скъуыддзаг кæндзысты, баиу æй кæной æви нæ».
«Мегафон»-ы компанийы æхсæнадимæ бастдзинæдты фæдыл специалист Бежанты Заринæ та фехъусын кодта, ныртæккæ уагъд кæй цæуы акци, ног тарифтæм чи баиу уа, уыцы фыццаг 10 абонентæн лæвæрд кæй æрцæудзæн сертификаттæ акци «Бонус за переход»-ы фæлгæтты. Алкæцы тарифтыл дæр, опци «Продли скорость 5 Гб»-æй дарддæр фæзындзæн ног опци «Продли Интернет 10 Гб» 550 сомæй.
УАЗÆГТЫ Марфа
Comments are closed, but trackbacks and pingbacks are open.