Къуайсайы астæуккаг скъолайы райдиан кълæсты ахуыргæнинæгтæн уагъд æрцыд ногазон мадзал. Сабитæ райдианы азарыдысты ногазон зарæг æмæ бакастысты  æмдзæвгæтæ. Уый фæстæ сын Митын Дада æмæ Митын Чызг æрбахастой лæвæрттæ. Ахуыргæнинæгтæ Жажиты Павел, Багаты Дианæ, Хуыгаты Сæрмæт, Бæзаты Альбинæ æмæ иннæтæ равдыстой «Ногазон аргъау».

11-æм къласы ахуыргæнинæгтæ кæстæркъласонтæн ногазон лæварæн акафыдысты  ирон кафт «Хонгæ».

Дарддæр сывæллæттæ æвдыстой хъæлдзæг номыртæ, ахъазыдысты цалдæр ирон хъазтæй. Уыдонæй æппæты хъæлдзæгдæр рауад бæндæнимæ хъазт. Иумиагæй, мадзал рауад тынг цымыдисон æмæ хъæлдзæг, куыд сабитæ, афтæ мадзалмæ æрбацæуджытæ дæр баззадысты райгондæй.

Мадзалмæ фæуазæг сты Дзауы районы сæргълæууæг Магкоты Уырызмæг æмæ Къуайсайы администрацийы сæргълæууæг Бæзаты Генади. Уыдон ракодтой ногазон арфæтæ сабитæн æмæ мадзалы хайадисджытæн, сæ цæст сын бауарзта æнæниздзинад æмæ æнтыстыты фæндиæгтæ. Магкоты Уырызмæг ахуыргæнинæгтæн бакодта ногазон лæвæрттæ, скъолайæн та радта æхцайы фæрæзтæ æнæмæнгхъæуæг æрмæджытæ балхæнынæн.

Скъолайы директор Хуыгаты Суликъо дæр ракодта ногазон арфæтæ мадзалы хайадисджытæн  æмæ  загъта стыр бузныг Магкоты Уырызмæг æмæ Бæзаты Генадийæн, кæй сæм фæуазæг сты æмæ сын кæй бакодтой ахæм зынаргъ лæвæрттæ.

ХУЫГАТЫ Миленæ 

Ацы æрмæджытæ дæр бакæс:

Ногазон мадзæлттæ Ногазон цаутыл афæлгæст Уагъд æрцыд ногазон мадзал «Ногазон лæвæртты къæрных» Ногазон мадзал синагуры Бæрæгбонон мадзал – Зæронд Ног азы цытæн

Comments are closed, but trackbacks and pingbacks are open.