Ног азы æрбалæудмæ алы адæймаг дæр æхсызгонæй фенхъæлмæ кæсы, ног хорздзинæдтæ æмæ йын амондджын цард кæй ныххæлар кæндзæн, йæ цæст ын кæй бауарздзæн, уыдæттыл зæрдæ даргæйæ. Фæлæ уæддæр нæ чысыл хуртæ Ног азы æрба-лæудмæ тынгдæр фенхъæлмæ кæсынц, æдзухдæр ыл мидбылхудт æмæ хъæлдзæг зæрдæйы равгимæ фембæлынц. Уыцы хъуыддаджы се ‘нцой æрбалæууынц хистæр фæлтæр, цæмæй йæ арвитой зæр-дæрухс æмæ цины æнкъарæнтимæ.
Ногазон бæрæгбоны æрбалæудмæ сæхи зæрдиагæй цæттæ кæнынц Цхинвалы районы иумиагахуырадон скъолатæ дæр, адæмон ахуырады минæ-вæрттæ, скъолаты разамонджытæ, къласгæстæ, организатортæ æмæ ныййарджытæ алы скъоладзауы дæр цæттæ кæнынц бæрæгбонон мадзæлтты хайад райсынмæ. Районы администрацийы ахуыры хай скъолайæн æддейæ куысты методист Козаты Олег куыд загъта, афтæмæй мадзæлттæ уагъд æрцæудзысты æппæт 11 скъолайы, стæй ма Дменисы сывæллæтты рæвдауæндоны дæр. Козайы фырт развæлгъау базонгæ бацæттæгонд нывæстытимæ, уымæ гæсгæ ахуырады минæвæрттæ дæр зонгæ кæндзысты иу кæнæ иннæ ахуырадон уагдоны ауадзгæ бæрæгбонон мадзæлттимæ. Мадзæлтты иу хай райдайдзæн 28 декабры æмæ аххæсдзысты 30 декабрмæ. Ахуыргæнинæгтæ сахуыр кодтой ногазон æмдзæвгæтæ æмæ зарджытæ, ирон æмæ уырыссаг адæмон æмæ популярон кафты номыртæ, хъæлдзæг сценикон нывтæ æмæ сæ аивадæй барухс кæндзысты адæмы зæрдæтæ. Хуыздæр йæхи чи равдиса, уыдонæн Митын Дада æмæ Митын Чызг балæвар кæндзысты лæвæрттæ.
Хуыбиаты Н.
Comments are closed, but trackbacks and pingbacks are open.