1929 азы 1 ноябры арæзт фæцис æмæ эксплуатацимæ лæвæрд æрцыд Дзауы районы Гуфтайы хид.

1936 азы 1 ноябры Цхинвалы районы Дменисы хъæуы райгуырдис Хуссар Ирыстоны фыццаг Социалистон Куысты Хъайтар Сагкаты Григол Уасилы фырт.

1917 азы 2 ноябры Цхинвалы районы Ортъеуы хъæуы райгуырдис авиацийы майор, Советон Цæдисы Хъæбатыр Цоциты Васил Семены фырт.

1946 азы 2 ноябры Тбилисы горæты райгуырдис биологон зонæдты доктор, профессор, Хетæгкаты Къостайы номыл паддзахадон премийы лауреат, Республикæ Хуссар Ирыстоны зонæдты сгуыхт архайæг Кокойты Таймураз Исахъы фырт.

1926 азы 3 ноябры Дзауы районы Нæзыджыны хъæуы райгуырдис Республикæйы адæмон артист Тедеты Георги Сардионы фырт.

1965 азы 3 ноябры Знауыры районы Сихиаты хъæуы райгуырдис Хуссар Ирыстоны æфсæддон гарзджын тыхты раздæры командæгæнæг Джиоты Алан Сограты фырт (Парпат).

1966 азы 6 ноябры Цхинвалы горæты райгуырдис Хуссар Ирыстоны хъахъхъæнынады фыццаг министр Хуыбылты Валери Никъалайы фырт.

1946 азы 7 ноябры горæт Цхинвалы Вогзалгæрон фæзуаты æвæрд æрцыд В.И. Ленины цырт.

1948 азы 10 ноябры Цхинвалы районы Ногхъæуы райгуырдис зынгæ ирон поэт, прозаик, драматург, тæлмацгæнæг, литера-турæиртасæг, æхсæнадон архайæг, Хетæгкаты Къостайы номыл паддзахадон премийы лауреат, РХИ-йы культурæйы сгуыхт архайæг Хъазиты Мелитон Резойы фырт.

1998 азы 10 ноябры Хуссар Ирыстоны уагъд æрцыдысты фыццаг президентон æвзæрстытæ.

2010 10 ноябры Цхинвалы районы Тъбеты хъæумæ хæстæг байгом цыртдзæвæн, 2008 азы августы тугуарæн бонты ОМОН-ы лæппутæй сæ цард чи радта, уыдонæн.

Уыдон сты: Къæбысты Алан, Дзæхойты Валери, Плиты Тамаз, Мæлдзыгаты Сослан, Сагкаты Алан æмæ Быценты Гайоз.

1932 азы 11 ноябры Цхинвалы горæты райгуырдис историон зонæдты доктор, профессор Санахъоты Мурат Петры фырт.

1926 азы 14 ноябры Цхинвалы районы Нипареты хъæуы райгуырдис ГССР сгуыхт артист, Республикæ Хуссар Ирыстоны адæмон артист, æхсæнадон архайæг Джыгкайты Иван Григолы фырт.

1928 азы 14 ноябры ГССР Ахметайы районы Черекаулийы хъæуы райгуырдис ирон фыссæг, публицист æмæ æхсæнадон архайæг Булкъаты Михал Гаврилы фырт.

1929 азы 15 ноябры Хуссар Ирыстоны ЦÆК-ы уынаффæмæ гæсгæ Ахалгуры ном раивд æрцыд Ленингорæй.

1932 азы 19 ноябры Цхинвалы районы Зары хъæуы райгуырдис Республикæ Хуссар Ирыстоны фыццаг президент, историон зонæдты доктор, профессор, УФ-йы зонæдты сгуыхт архайæг, Хетæгкаты Къостайы номыл паддзахадон премийы лауреат Цыбырты Людвиг Алексейы фырт.

1915 азы 20 ноябры Дзауы районы Бежанты хъæуы райгуырдис фыццаг ирон советон сылгоймаг-фыссæг, ГССР-ы сгуыхт ахуыр-гæнæг, доцент Галуанты Нинæ Андрейы чызг. (Нига).

2009 азы 20 ноябры Санкт-Петербургы И.Е. Репины номыл нывкæнынад, скульптурæ æмæ архитектурæйы академион институты территорийыл байгом ирон поэт, нывгæнæг, драматург, публицист, рухстауæг æмæ æхсæнадон архайæг Хетæгкаты Къостайы цырт.

1915 азы 22 ноябры Къобы хъæуы райгуырдис Советон Цæдисы Хъайтар Кобылты Сергей Константины фырт.

1961 азы 23 ноябры Сталиниры горæты ном раивд æрцыд Цхинвалæй.

1989 азы 23 ноябры гуырдзиаг тыхгæнджытæ сабыр митинг ауадзыны æфсонæй хъавыдысты Цхинвалы горæтмæ æрбабырсын, фæлæ сын нæ бантыст.

1939 азы 24 ноябры Хуссар Ирыстоны Централон Æххæстгæнæг Комитеты Президиумы уынаффæмæ гæсгæ Хуссар Ирыстоны паддзахадон драмон театрæн лæвæрд æрцыд Хетæгкаты Къостайы ном.

2009 азы 25 ноябры Пятигорскы горæты Хетæгкаты Къостайы номхæссæг уынджы скверы байгом кодтой Къостайы бронзæ бюст.

1922 азы 27 ноябры ГССР Ахметъайы районы Черекаулийы хъæуы райгуырдис зынгæ ирон ахуыргонд-этнограф, историон зонæдты доктор, Хуссар Ирыстоны зонæдты сгуыхт архайæг Гаглойты Зинаидæ Дауиты чызг.

Æрӕмбырд сæ кодта КЪУЕЗЕРТЫ Петр

Comments are closed, but trackbacks and pingbacks are open.