2022 азы 24-æм февралы Президент Бибылты Анатолийы бацамындмæ гæсгæ республикæйы тыхон структурæтæ реализаци кæнынц мадзæлтты комплекс æдасдзинад сифтонг кæныны фæдыл, Украинæйы здæхты хæстон-политикон уавæр кæй скарз, уымæ гæсгæ æмæ официалон Тбилисы ‘рдыгæй гæнæн-уæвæг провокацион архайдтыты тыххæй.
Банысангонд мадзæлтты фæлгæтты РХИ-йы Пад-дзахадон æдасдзинады комитеты Арæнхъахъхъæнæг службæтæ Уæрæсейы Æдасдзинады федералон службæйы Арæнхъахъхъæнæг управлениимæ æмархайдæй Хуссар Ирыстоны фæтыхджындæргонд æрцыд хуссарирыстойнаг-гуырдзиаг паддзахадон арæн хъахъхъæныны режим. Арæныл оперативон уавæр нæ фæивта, инциденттæ æмæ дзы провокацитæ нысан не ‘рцыд.
Гуырдзыстоны уавæр æнæхъæнæй у стабилон. Оппозицион партитæ æмæ змæлдтытæй бирæтæ ауагътой уынгты акцитæ «Украинæйы фарс хæцыны» тыххæй, уыцы нымæцы горæттæ Тбилис æмæ Батумы. Украинæйы здæхты Уæрæсейы Федерацийы архайдæн Гуырдзыстоны къухдариуæгад æмæ бынæттон элитæ скодтой негативон аргъ, фæлæ карз провокацион ныхæстæй сæхиуыл фæхæцыдысты. Уæрæсейы Федерацийы ныхмæ санкцитæм Гуырдзыстон нæ баиу ис.
Comments are closed, but trackbacks and pingbacks are open.