Зынаргъ æмфыдыбæстæйонтæ!

Цытджын хæлæрттæ!

 Арфæ уын кæнын иууыл уарзондæр адæмон бæрæгбонтæ – æрбалæугæ Ног аз æмæ Чырыстийы райгуырды сæраппонд!

Ног аз у ахæм бæрæгбон, кæцы йемыдзаг у хæлардзинад æмæ ныф-сыты рухсæй, рухс фидæны, æрба-лæугæ азы снысангонд позитивон ивындзинæдтæ æнтыстджынæй сæххæст кæныны æууæнкæй.

Ацæугæ аз хъæздыг уыд алыгъуызон цаутæ æмæ æнтыстытæй. 2019 азы уагъд æрцыдысты æвзæрстытæ республикæйы закъондæттынадон органмæ, дарддæр рæзтысты æмæ фидардæр кодтой махæн хæларадон бæстæтимæ партнерон ахастытæ, арæзт цыдысты фæндæгтæ, медицинон уагдæттæ, сабидæттæ. Фæлæ нæ хъæуы нырма бирæ саразын, царды ног проекттæ æмæ плæнттæ  ныббиноныг кæнын. Уырны мæ, фидæн азы мах кæй фæтыхджындæр кæндзыстæм социалон-экономикон рæзты темптæ, цæмæй фæбæрзонддæр кæнæм адæмы фæрныгад. Нæ разы сæвæргæ нысæнттæ сæххæст кæнын нæ къухты бафтдзæн, куыд иу командæ, афтæ куы кусæм, уæд, равдисæм æмзæрдæдзинад æмæ иудзинады æнкъарæн, равзаргæ хъуыддагыл æнувыддзинад.

Ног аз нымад цæуы бинонты бæрæгбоныл. Нæ республикæйы цæрджытæн мæ зæрдæ зæгъы бæрæгбонон ногазон зæрдæйыуаг, æнæниздзинад æмæ фæрныгад, хъармдзинад æмæ хæдзары бæркад, бинонты амонд æмæ уарзондзинад, æввахс адæмы æнувыддзинад æмæ кæрæдзимбарынад. Уадз, сæххæст уæд уæ иууыл сусæггагдæр бæллицтæ!

Ног азы хорзæх уæ уæд!

***

 РХИ-йы Парламенты Сæрдар Тадтаты Алан ма æрбалæугæ бæрæгбонты цытæн арфæ ракодта УФ-йы Федерацийы Советы Сæрдар Валентина Матвиенко, Паддзахадон Думæйы Сæрдар Вячеслав Володин, Цæгат Кавказы республикæты парламентты къухдариуæггæнджытæн, хæларадон республикæтæ Абхаз, Приднестровье, Арцах, Донецкы æмæ Луганскы Адæмон Республикæты парламентты сæрдæрттæн.

Comments are closed, but trackbacks and pingbacks are open.