Бæрæг куыд у, афтæмæй дарддæр дæр уæлæмхас сразыдзинæдтæ арæзт цæ-уынц 2015 азы 18 марты Республикæ Хуссар Ирыстон æмæ Уæрæсейы Федерацийы ’хсæн Æмцæдисад æмæ интеграцийы тыххæй бадзырды фæлгæтты.

Республикæ Хуссар Ирыстоны Æдасдзинады Советы нымæрдар Плиты Анатоли, кæцы къухдариуæг кодта, 2015 азы 18 марты Республикæ Хуссар Ирыстон æмæ Уæрæсейы Федерацийы ’хсæн Æмцæдисад æмæ интеграцийы тыххæй бадзырды хъахъхъæнынады æмæ æдас-дзинады сферæйы уæлæмхас сразыдзинады цæттæ-гæнæн кусæгон къордæн, радзырдта Мæскуыйы бадзырдты фæстиуджыты тыххæй.

Фарст: Анатоли Гаврилы фырт, фæстаг рæстæджы бирæ дзырдæуыд хуссарирыстойнаг æфсады фæцухдæр кæныны тыххæй. Уый фæстиуæгæн уæвæг геополитикон æртхъирæн-ты рæстæджы не ’хсæнад серьезонæй тыхсы бæстæйы æдасдзинад сифтонг кæныны фарстаты тыххæй. Зæгъ-ма, дæ хорзæхæй, хъахъхъæнынад æмæ æдасдзинады сферæйы уæлæмхас сразыдзинæдты пунктты фæдыл истæуыл бадзырдтат уæрæсейаг фарсимæ?

Дзуапп: Æрæджы Мæскуыйы Уæрæсейы Федерацийы Хъахъхъæнынады министрады минæвæрт-тимæ нæ республикæйы делегацийы бадзырдты рæстæджы дыууæ фарсы бадзырдтой, Уæрæсейы Федерацийы Гарзджын тыхты скондмæ Республикæ Хуссар Ирыстоны Гарзджын тыхты хицæн дæл-хæйтты бацыды фæткы тыххæй Сразыдзинады проекты фæдыл цы æнæразыдзинæдтæ уыд, æппæт уыдоны фæдыл.

Хуссарирыстойнаг фарсы куырдиатмæ гæсгæ, сразыдзинады фыццаг проектмæ хаст æрцыдысты ивындзинæдтæ. Къухыбафтгæ бадзырдтæм гæсгæ, Республикæ Хуссар Ирыстоны хæстон дæлхæйттæ куыд уыдысты, афтæмæй баззайдзысты. Уыимæ иумæ ма, дыууæ фарсы гарзджын тыхты æмархайды æмвæзад фæбæрзонддæр уыдзæн.

Ныртæккæ куыст цæуы сразыдзинады проекты мидпаддзахадон æмразыдзинадыл, куыд Республикæ Хуссар Ирыстоны, афтæ Уæрæсейы Федерацийы дæр. Уый фæстæ сразыдзинадыл къухтæ бафыстæуыдзæн, уый та фадат ратдзæн Республикæ Хуссар Ирыстоны хъахъхъæнынад æмæ æдасдзинад сифтонг кæныны иумиаг системæ саразынæн.

 

Comments are closed, but trackbacks and pingbacks are open.