Советон Цæдисы дыууæ хатты Хъайтар, Монголты Адæмон Республикæйы хъайтар, армийы инæлар Плиты Иссæйæн Мæскуыйы «Поклонная гора»-йы уæлахизы музейы сæвæрдтой бюст. Уый тыххæй фехъусын кодта Дзанайты Азанбегы номыл культурæйы фонды президент Дзанайты Зауыр. Бюсты автор у,  зынгæ ирон скульптор Дзбойты Арсен.

2017 азы «Дорогой славы от Америки до Азии»-йы проекты фæлгæтты, кæцыйы инициатор æмæ организатор у Дзанайты Азанбеджы но-мыл Культурæйы фонд, Плиты Иссæйæн Монголийы байгом кодтой цырт. Плийы фырт 1930 азты командировкæйы арвыстой Улан-Батормæ, цыран уый службæ кодта æфсæддон ахуыргæ-нæндоны уынаффæгæнæг æмæ инструкторæй. 1945 азы августы уый монгойлаг адæмы сæрибар кодта япойнаг милитаристтæй. 2020 азы йæ ном лæвæрд æрцыд Улан-Баторы 49-æм астæуккаг скъолайæн. Стыр Фыдыбæстæйон хæсты Уæлахизыл 75 азы сæххæсты бæрæгбон нысан кæныны цытæн та йын цырт байгом кодтой Кубæйы советон хæстонты мемориалы.

«Плиты Иссæйæн бюст кæй сæвæрдтой, уымæй равдыстæуыд Уæрæейы зынгæ фыртæн стыр кад кæй кæнынц æрмæст уый нæ, фæлæ ма у рæзгæ фæлтæры патриотон монон хъомылад сæндидзын кæныны егъау стимул. Армийы инæлар, не ‘мзæххон ногæй слæууыд йæ хæстон æмбæлтты рæнхъы, Советон Цæдисы зынгæ æфсæддон хистæртимæ Уæлдæр сæйраг командæгæнæг Иосиф Сталины сæргълæудæй», – радзырдта Дзанайты Зауыр.

Плиты Иссæйæн ма цырт æвæрд æрцæудзæн Китайы Хэбэйы провинцийы Советон Цæдис æмæ Монголийы цæдисон æфсæдты мемориалы. Уым ма музейы равæрдзысты экспозици Плиты Иссæйы цард æмæ хъайтарон фæндаджы тыххæй дæр.

 

Comments are closed, but trackbacks and pingbacks are open.