Президент схорзæхджын кодта Джиоты Руфины Хæлардзинады орденæй

Президент Тыбылты Леонид йæ 65 азы юбилейы цытæн раарфæ кодта Президенты Паддзахадон уынаффæгæнæг, Хуссар Ирыстоны сгуыхт тренер Джиоты Руфинæн

Бæстæйы сæргълæууæг стыр аргъ скодта Джиоты Руфины æнтыстытæн республикæйы физикон културæ æмæ спорты рæзты хъуыддаджы.

«Хуссарирыстойнаг спорты рæзты хъуыддаджы де ‘нтыстытæн аргъ скæнæн дæр нæй, – загъта Президент юбиляримæ йæ фембæлды рæстæджы æмæ йын загъта бирæ азты цæрæнбон æмæ Райгуырæн бæстæйы хæрзиуæгæн æфтиагджын куысты фæндиæгтæ.

Спорты рæзты йе стыр хисæрмагонд хайбавæрды æмæ йыл 65 азы кæй сæххæст, уый цытæн Джиоты Руфины Президент схорзæхджын кодта Хæлардзинады орденæй.

Йæхи рады юбиляр бузныджы ныхæстæ загъта бæстæйы сæргълæууæгæн, йæ архайдæн ын стыр аргъ кæй скодта, уый тыххæй, æмæ банысан кодта, зæгъгæ, йе ‘ппæт хъарутæ дæр сараздзæн Хуссар Ирыстоны хæрзиуæгæн кусынмæ.

Ацы æрмæджытæ дæр бакæс:

Сгуыхт тренер Тыбылты Леонид Хæлардзинады Орденæй схорзæхджын кодта Валери Меркурьевы Куымæридтаты Вадим – грекъаг-римаг хъæбысхæстæй Уæрæсейы æмбырдгонд командæйы генералон менеджер Нæ уазджытæ – номдзыд спортсментæ РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй