Хуссар Ирыстоны паддзахадон университеты РХИ-йы Президент Бибылты Анатоли фембæлд студенттимæ.

Паддзахады сæргълæууæг сын раарфæ кодта ахуыры се ‘нтыстыты тыххæй æмæ банысан кодта, зæгъгæ, уыдон сты иннæ скъолаты ахуырдзаутæн бафæзмыны цæвиттон, кæцытæн абоны фембæлд хъуамæ суа уæлæмхас разæнгардгæнæн зонындзинæдтæ райсынæн. «Зонындзинæдтæ сты царды бындур, уыдонмæ хъæуы тырнын æмæ сæ хъæуы амонын, дæ цуры чи ис, уыдонæн. Ныртæккæ æнæ хорз ахуырад дарддæр цæуæн нæй. Мæнмæ гæсгæ, абоны бон сымах бахъуыды кæндзыстут æмæ уын фæахъаз уыдзæн ног зонындзинæдтæ райсынæн, афтæ ма иннæтæн та суыдзæн бафæзминаг цæвиттон», – загъта Президент.

Фембæлды рæстæджы студентты, куыд фидæны специалистты, афтæ цымыдис кодта куыстæй ифтонг кæныны фарст, афтæ ма социалон-экономикон æмæ æхсæнадон-политикон къабæзтæм хауæг фарстытæ. Æмæ уыдон истой æргом дзуаппытæ æппæт фарстытæн дæр.

Иттæг хорз чи ахуыр кæнынц æмæ университеты царды активон хайад чи исынц, уыдонæн лæвæрд æрцыд президентон стипендитæ æмæ дидинджытæ. Ахæм стипенди студенттæн паддзахады сæргълæууæг радта йæхæдæг. Президентон стипенди ныртæккæ у фондз мин сомы, фæлæ ног азæй фæфылдæр уыдзæн æмæ  уыдзæн авд мин сомы.

4-æм курсы студенткæ Дриаты Лейла æппæт студентты номæй раарфæ кодта Бибылты Анатолийæн йæ хъусдарды тыххæй æмæ банысан кодта, зæгъгæ, уыдон дарддæр дæр тырндзысты хорз ахуыр кæнынмæ, цæмæй суой хорз специалисттæ æмæ ахъаз кæной нæ республикæйы адæмы фæрныгады рæзтæн.

Университеты ректор Тедеты Вадим йæхи æмæ студентты номæй бузныджы ныхæстæ загъта паддзахады сæргълæууæгæн нæ республикæйы ахуырадон уагдæттæм йæ лæмбы-нæг хъусдарды тыххæй æмæ банысан кодта, зæгъгæ, ацы фембæлд суыдзæн æппæт   ахуырдзаутæн дарддæры ахуырмæ разæнгардгæнæг.

“Сымах стут нæ республикæйы сомбон æмæ республикæйæн та хъуамæ къухдариуæгад кæной ахуыргонд адæймæгтæ, хорз зонындзинæдтæ чи райса, уыдон. Уымæ гæсгæ сымахæн мæ зæрдæ зæгъы æнтыстытæ уæ дарддæры ахуыры. Ут активон архайджытæ нæ республикæйы æхсæнадон æмæ политикон царды”- кæронбæттæны загъта Президент.

Дриаты Лейла

Comments are closed, but trackbacks and pingbacks are open.