Украинæйы Житомиры стыр уырыссаг поэт Александр Пушкины цырт демонтажы рæстæджы фæмард бынæттон националист. Уый разынд æхсæнадон змæлд «Гарна Украина»-йы лидер. Цырт æрхауд активисты сæрыл æмæ уайтагъд фæмард.

Социалон хызæгты уæлвæткон уавæрæн комментаритæ кæнгæйæ, фыстой, зæгъгæ, импери ныккодта дзуаппон цæф.

Уырыссаг классикы бюст постаментæй æнæнхъæлæджы украинæйаг радикалыл  раппæрста йе ‘мтохгæнæг. Уый, æвæццæгæн, нæ фæхатыд, уыцы рæстæджы фæмардуæвæг йæ тыхтонмæ кæй нывнæлдта, уый.

Горæт Житомиры зæронд бульвары Пушкинæн бронзæйон цырт уыд рагондæртæй иу. Бюст сарæзтой скульптор Генрих Олешкевич æмæ инженер Михаил Бетаки. Æвæрд æрцыд горæты цæрджыты фæрæзтæй поэты райгуырдыл 100 азы сæххæсты боны цытæн 1899 азы.

Цырт раппарын аскъуыддзаг кодтой горæты нырыккон цæрджытæ, сæ фарс рахæцыд бынæттон мэр дæр. Æмæ вандализмы æххæстгæнджытæй иу бафыста стыр аргъ. Цырты аластой æбæрæг ранмæ.