РХИ-йы Хицауады Сæрдар Пухаты Эрик æмæ ХПÆ-йы паддзахадтæ-хайадисджытæ, Республикæ Абхаз æмæ Республикæ Хуссар Ирыстонимæ социалон-экономикон æмгуыстады фæдыл Уæрæсейы Федерацийы Президенты Управленийы хистæры хæдивæг Денис Травин азылдысты Цхинвалы горæты къорд объектыл, кæцытæ арæзт цæуынц 2017 азæн Хуссар Ирыстоны социалон-экономикон рæзтæн ахъазгæнæг Инвестицион прог-раммæйы фæлгæт-ты. Денис Травин Хуссар Ирыстоны уыд дыууæбонон кусæгон визитимæ.

Семæ ма уыдысты Арæзтад, архитектурæ æмæ цæрæнуатон-коммуналон хæдзарады министры хæстæ æххæстгæнæг Зæгъойты Эдуард, Æнæниздзинад хъахъхъæныны æмæ социалон рæзты министр Тотчиты Георги, йæ уынаффæгæнæг Игорь Галь, Капиталон арæзтады управленийы хистæр Джиоты Роберт æмæ æндæр официалон адæймæгтæ.

Райдианы уал уыдон бацыдысты Цхинвалæн цæгатæрдыгæй фарс арæзтцæуæг рæуджыты низы ныхмæ диспансер æмæ республикон соматикон рынчындоны фарсмæ арæзт чи цæуы, уыцы операцион-хирургион комплекс-мæ.

Капиталон арæзтады управленийы хистæры хæдивæг Плиты Владимиры ныхæстæм гæсгæ, нырыккон медицинон ифтонггæрзтæй ифтонг чи у, уыцы ног диспансеры уыдзæн 25 сынтæджы. Аразджытæ æрæвнæлдтой фыццаг уæладзыджы къултæ амайынмæ, иннæ куыстытæ дæр цæуынц графикмæ гæсгæ. Ныртæккæ ацы объекты кусынц 18 кусæджы бæрц.

Дарддæр азылдысты хирургион комплексы, федтой, гемодиализ кæм уыдзæн, уыцы бынаты, операцион блок, реанимацион зал, интенсивон терапийы палатæтæ, дохтырты кабинетты æмæ лæггадгæнæг персоналæн хатæнтæ.

Арæзтадон фирмæ арæнгонд бæрндзинады æхсæнад «СТМ-Юг»-ы къухдариуæггæнæг Коцты Олег куыд радзырдта, афтæмæй куыстытæ цæуынц хорз темптæй медицинон уагдоны, аразджытæ хъахъхъæнынц куыстыты календарон график.

«Кусджытæ ныртæккæ æрæвнæлдтой бæстонгæнæн куыстытæм. Афтæ ма монтаж цæуынц лифттæ æмæ вентиляцион системæ. Инженерон куыстытæн фесты сæ 80 проценты. Закъаз æрцыдысты медицинон ифтонг-гæрзтæ æмæ æвæрд æрцæудзысты, куыддæр арæзтадон куыстытæ иууылдæр фæуой, афтæ», — загъта фирмæйы къухдариуæггæнæг.

Пухаты Эрик æмæ Денис Травин райгондæй баззадысты арæзтадон куыстыты темптæ æмæ гъæдæй æмæ банысан кодтой ацы медицинон уагдоны эксплуатацимæ афоныл радтыны ахсджиагдзинад.

Нæ горæты Хъайтарты уынджы кæрон арæзтцæуæг бирæфатерон цæрæн хæдзæртты, бæрæг куыд у, афтæмæй куыстытæ фæкъуылымпы сты. Ныр ам ногæй сытынг сты арæзтадон куыстытæ. Хицæн фатерты райдыдтой бæстонгæнæн куыстытæ.

Пухаты Эрик æрдомдта, цæмæй аразджытæ хъахъхъæной æппæт техникон нормæтæ, афтæ ма æрбæстон кæной куыст объекты арæзтадон æрмæджытæй афоныл ифтонг кæныны фæдыл.

Азылды хайадисджытæ бацыдысты  Хетæгкаты Къостайы номыл Хуссар Ирыстоны паддзахадон драмон театры арæзтцæуæг бæстыхаймæ дæр. Денис Травины ныхæстæм гæсгæ, ацы объекты фæактивондæр хъæуы куыстытæ. Уый аразджытæн бахæс кодта, цæмæй хъусдард здахой бакæнинаг куыстыты гъæд æмæ æмгъуыдтæм.

Азылды фæстæ ауагъд æрцыд æмбырд ацы азæн Инвестицион программæ реализаци кæныны фарстыты фæдыл.

 

Республикæ Хуссар Ирыстоны Хицауады официалон сайт

Comments are closed, but trackbacks and pingbacks are open.