Радиойы æппæтадæмон бон

Алы аз дæр 13-æм февралы, 2012 азæй райдайгæйæ, æппæт дунейы нысан цæуы иууыл æвзонгдæр бæрæгбæттæй сæ иу – Радиойы æппæтдунеон бон.

Радио у адæймаджы царды бастдзи-нæдтæй сæ иууыл вазыгджындæр. Тынг зын у цæстытыл ауайын кæнын ныры дуг æнæ радиоалæвæрдтæй, куыд сабыр рæстæджы, афтæ хæстон архæйдтыты рæстæджы дæр. Радио æрмæст  хабæрттæ, музыкалон æмæ хиирхæфсæн алæвæрдтæ, интервьютæй конд нæу, фæлæ ма  у адæймагады глобалондæр æнтыст æппæтиумæйаг этикæ организаци кæнынæн. Уый милуангай адæймæгтæн дæтты фадат иумиаг æвзаг ссарынæн.

Ацы бæрæгбон саразыны инициатор ссис ЮНЕСКО.  Бирæ бæстæтæ рахæцыдысты йе ‘вварс, уыдоны ‘хсæн Уæрæсе дæр.

Радиойы æппæтадæмон бон радиоспе-циалисттæн цыт кæнынæй дарддæр ма  йын ис ахсджиаг нысаниуæг дæр  æппæт дунейы дзыллон информацийы фæрæзты æмахастытæ фидар кæныны, кæцыйæн ныртæккæ чысыл нысаниуæг нæй, уымæн æмæ информацион хæст, бирæ хатт, тыхджындæр вæййы хæсты быдырæй. Æппæтдунеон радио, иу рæхысы цæгтау, бæтты дунейы æппæт бæстæты, цыран алы ныхасæн дæр бар ис, планетæйы иу хайы йæ куы загъдæуа, уæд æй иннæ ран фехъуысынæн.

Ацы бæрæгбон нысан кæнынц, радиойы куыстимæ баст чи сты, уыдон, стыр радио-станицты кусджытæй райдайгæйæ, иу радиохъусæгыл фæугæйæ.

Райзæрдæйæ ма йæ нысан кæнынц сомбоны специалисттæ, кæцытæ нырма цæттæ кæнынц сæхи стыр эфиртæм рахизынмæ, студенттæ æмæ абитуриенттæ. 13 февралы хорз кусджытæн ссарынц сæ нæмттæ –  лæвæрд сын æрцæуы хорзæхтæ, æхцайы премитæ, зæрдылдарæн лæвæрттæ. Арæх ацы бæрæгæбоны ауагъдæуы бирæ хæрзаудæн æмæ культурон акцитæ, кæцыты нысан у дунейы иудзинад бахъахъхъæнын. Уыцы фембæлдтыты хайад фæисынц ИНО-йы минæвæрттæ æмæ радиостанцты сæргълæуджытæ.

Радиойы куыстæн йæ æнæмæнгхъæуындзинад, йæ ахсджиагдзинадыл дзурæн дæр нæй. Дзырды сæрибардзинад, барты сæрибардзинад – уыдон сты радиойы куысты бындурон принциптæ.

Цымыдисон факттæ радиойы тыххæй

* Фыццаг полити-кон цау радиоэфиры радзырдтой 1917 азы – Октябры революци.

* АИШ æмæ Уæрæсейы æмбæстæггты æрфарстытæм гæсгæ, 73% адæймаджы радиомæ хъусынц машинæйы.

* Дыккаг дунеон хæсты рæстæджы Америкæйы территорийыл радисттæ уыдысты индиаг алы знæмтæй, уыдон алæвæрдтæ уагътой сæхи æвзæгтыл. Уый æх-хуыс уыд, информаци басусæг кæнынæн япойнаг æмæ немыцаг радисттæй. Уыдонæн сæ бон уыд алæвæрд рацахсын, фæлæ сæ стæлмац кæнын сæ бон нæ уыд.

* Америкæйаг æмбæстаг Адриан Марти-нес бакодта хæдзарон цæрæгойтæн: куый-тæ, гæдытæ, тутитæ, къухы мыстытæн ра-диостанц. Эфиры сын зæлыдысты алыгъуызон мелодитæ æмæ компизицитæ. Ад-риан куыд зæгъы, уымæ гæсгæ радиойы куыст æнцондæр кæны хæдзарон цæрæ-гойты цард, сæ хицæуттæ хæдзары куынæ вæййынц, уæд.

Æрмæг бацæттæ кодта

ТЪЕХТЫ Аллæ