Компани «Растдон» бар райста УФ-йы «Россельхознадзор»-æй Уæрæсейы регионтæм æмæ Таможнæйон цæдисмæ сæ продукци æрвитыны тыххæй. Уый размæ дзидзагуыстгæнæн комплекс «Растдон» йæ продукцийæ ифтонг кодта республикæйы базар. Йæ кондадон хъомысад фадат дæтты уазалгонд дзидза æмæ æрдæгфабрикаттæ, афтæ ма бакуыстгонд продукци: тахынæг, сосискæтæ æмæ деликатесон продукци азы дæргъы 600 тоннæ хъомысадæй «Нартские» бренды бын уадзынæн. «Растдон»-ы продукцийы сæйраг уæйгæнæн базар ссис сыхаг регион Цæгат Ирыстон.
Куыстуатт ифтонг у уæрæсейаг æмæ европæйаг нырыккон ифтонггæрзтæй. Æвæрд дзы æрцыдысты универсалон хæххытæ, кæцытæн сæ бон у гъæдджынæй дзидзайы алыгъуызон хуызтæ кусын, уыцы нымæцы гогыз æмæ хъазы фыд дæр. Комплексы иумæйаг фæзуат у 1 500 кв. м. Заводы арæзт æр-цыд бæрзондквалификациджын 50 кусæгон бынаты, кусджыты 95 проценты сты Хуссар Ирыстоны цæрджытæ. Объекты иумиаг аргъ у 150 милуан сомæй фылдæр.
Йæ хæрдзтæ бамбæрздзæнис 8 азмæ.
Компанийы бамбарын кодтой, зæгъгæ, «Растдон» хаст нæу «Евродон»-ы холдингы структурæмæ, уымæн æмæ «Евродон» лæууы консультанты ролы, кæцыйæн Уæрæсейы ис æнтыстджынæй реализацигонд æнгæс заводтæ. Ныртæккæ ма «Растдон» уадзын райдыдта ноджыдæр дыууæ хуызы ног ассортименты – гогызы сгуы æмæ риуы гуыдыр вакумон пакетты. Компани «Растдон»-ы генералон директоры хæдивæг Томайты Вадим куыд зæгъы, афтæмæй ацы бонты дзидзагуыстгæнæн комплекс «Растдон» æрбайгом кæндзæнис Джиоты Алан æмæ Харебаты Исахъы уынджы тигъыл дыккаг магазин «Нæртон» дæр, цыран уæй цæудзысты уазалгонд дзидза æмæ æрдæгфабрикаттæ 30 ассортименты бæрц.
«Растдон»-ы ног магазин скудзæнис æппæт хъомысадæй ног къуыри. Ног магазины æрбайгомы рæстæджы уагъд цæудзæн куыд бынæтон, афтæ Ростовы уагъд продукцийы дегустаци.
Кондады нывæзты ис 2018 азы 360 тоннæйы продукци рауадзын.
Уазæгты Марфа
Comments are closed, but trackbacks and pingbacks are open.