25 февралы Республикæ Хуссар Ирыстоны юстицийы министр Лалыты Залинæ хыгъд радта 2018 азы министрады бакæнгæ куысты тыххæй.

Мадзалы хайад райстой Президент Бибылты Анатоли, Хицауады Сæрдар Пухаты Эрик, Парламенты Сæрдар Гасситы Петр, Сæйраг тæрхондоны Сæрдар Коцты Олеся, Генералон прокурор Дзæгъиаты Уырызмæг.

Лалыты Залинæ куыд банысан кодта, афтæмæй Республикæ Хуссар Ирыстоны Юстицийы министрад у республикæйы раззагондæр ведомствотæй сæ иу, кæцы æххæст кæныпаддзахадон политикæ аразыны æмæ реализацийы æмæ бæрæг фадыджы нормативон-барадон бæстонкæныны фæдыл функцитæ.

Министр радзырдта, зæгъгæ, 2018 азы Юстицийы министрады ауагъд æрцыд æртæ стыр реформæйы, ахæмтæ, куыд барадон, уголовон æххæстгæнæн æмæ Паддзахадон регистраци, кадастр æмæ картографийы службæйы. Ацы реформæты реализаци фæахъаз уыдзæн паддзахады барадон бындурты рæзтæн, паддзахадон хицауиуæгады органты авторитет фæбæрзонддæр кæнынæн.

Йæ ныхæстæм гæсгæ, 2017 азы кæрон Юстицийы министрады арæзт æрцыд Закъондæттынады фæдыл управлени, кæцы дих æрцыд дыууæ хайадыл æмæ дзуапп дæтты социалон фадыг æмæ барадхъахъхъæнæг системæйы нормативон-барадон бæстонкæнынадæн.

Кæд 2017 азы барадон æмæ антикоппупцион экспертизæтæ ауагъдæуыд 172 проектæн, уæд ацы хыгъдон аз та РХИ-йы Юстицийы министрадмæ барадон æмæ антикоррупцион экспертизæмæ бæлæвæрдæуыд нормативон-барадон актты407 проекты. Уыдонæй 387-æн арæзт æрцыд экспертизæтæ.

Дарддæр куыд загъта, афтæмæй 2018 азы дыккаг æмбис Юстицийы министрады арæзт æрцыд программæ электронон хуызы паддзахадон реестры тыххæй æмæ ныр куыст цæуы бæрæггæнæнты базæ саразыны фæдыл. 2018 азы бæрæггæнæнты базæмæ хаст æрцыдысты 83 нормативон-барадон акты.

Нормативон-барадон акттæ сбæрæг кæныны нысанæн сбæрæггæнæн куыстытæ ауагъдæуыд Сæудæджерад, транспорт æмæ энергетикæйы комитеты, Паддзахадон таможнæйон ккомитеты,  хъахъæныны паддзахадон службæйы.

Хыгъдон аз барадон æмæ антикоррупцион эксперизæтæ ауагъдæуыд 84 ведомствойон нормативон-брадон акты фæдыл. Бæрæггæнæн куыстыты фæстиуæгæн арæзт æрцыд акттæ, цыран нысан æрцыдысты фæткхалынæдтæ æмæ сæ куыд аиуварс кæнын хъæуы, уый тыххæй амонæнтæ.

Лалыты Залинæйы ныхæстæм гæсгæ, нормативон-барадон акт регистраци куы æрцыд, уæд æрвыст æрцыд газеттæ «Хурзæрин» æмæ «Южная Осетия»-йы редакцитæм, цæмæй закъонмæ гæсгæ иу суткæйы æмгъуыдмæ мыхуыр æрцыдаид, уымæн æмæ Юстицийы министрады регистраци æрцæуæг акттæн сæ фылдæры нысан у республикæйы æмбæстæгты социалон гарантитæ æмæ конституцион бартæ хъахъхъæнын, фæлæ газетты газетон фæзуат фаг кæй нæ уыд, уый аххосæй мыхуыр не ‘рцыд æмæ уый фæстиуæгæн æхсæнадмæ нæ фæхæццæ.   Газеты мыхуыр цы барадон-нормативон акттæ не ‘рцыдысты, уыдон та æмбæстæгты конституцион гарант не сты.

Министр куыд загъта, афтæмæй цæмæй ацы проблемæ скъуыддзаг æрцæуа, уый тыххæй хыгъдон азрауагъдæуыд «Республикæ Хуссар Ирыстоны паддзахадон хицауиуæгады æххæстгæнæн органты нормативон барадон актты бюллетень», цыранмыхуыр цæуынц нормативон барадон акттæ, кæцыйы  уадзы Юстицийы министрад Президенты резервон фондæй рахицæнгонд финансон фæрæзты руаджы.

Министр банысан кодта, зæгъгæ, Президенты бахæсмæ гæсгæ 2018 азы бакуыстæуыд, прокуратурæйы, таможнæйон управленийы, Уæлвæткон уавæрты министрады, тæрхондонон приставты, Контролон-нымайæн палатæйы æмæ æндæр тыхон структурæты чи службæ кодта, уыдон пенсион ифтонгадмæ хауæг фарстатыл.

Министр ма куыд загъта, афтæмæй министрад бабæрæг кодта æхсæнадон организациты, хæрзаудæн фондты куыст æмæ сæ цы цухдзинæдтæ разынд, уыдоны тыххæй арæзт æрцыд акттæ, сæ аиуварс кæныны тыххæй та – рекомендацитæ.

Министрад бабæрæг  кодта, хыгъдон аз регистраци цы 11 политикон парти æрцыд, уыдоны архайд дæр. Бæрæг кæныны рæстæджы æргом æрцыд ахæм партитæ, кæцытæ регистраци куы æрцыдысты, уæдæй фæстæмæ хайад нæ истой æвзæрстыты. Уыдонмæ хауынц патитæ «Фидæн» æмæ «Алантæ».

Дарддæр министр куыд радзырдта, афтæмæй хъыгъдон рæстæджы парти саразыны  тыххæй Юстицийы министрадмæ балæвæрдæуыд документтæ Социал-Демократон партийы оргкомитетæй, фæлæ сын бындурæвæрæг съезд ауадзынæн рæстæг кæй нæ уыд æмæ паддзахадон регистрацийы тыххæй æмбæлон документтæ кæй нæ æрбавдыстой, уый аххосæй парти регистраци не ‘рцыд.

2018 азы контроль цыд адвокатурæ, наториат æмæ æмбæстагон исады акттæ регистрацийы фæдыл дæр.

«Хыгъдон рæстæджы бæрæг æрцыдысты г. Цхинвалы паддзахадон æмæ хисæрмагонд, Ленингоры æмæ Знауыры районты нотариалон контораты профессионалон архайд. Афтæ ма министрад мадзæлттæ исы республикæйы паддзахадон нотариалон конторæты материалон-техникон ифтонгады тыххæй. Хыгъдон рæстæджы цалцæг æрцыдысты г. Цхинвалы, Знауыры районы нотариалон конторæты хатæнтæ», – банысан кодта Лалыты Залинæ.

Дарддæр куыд загъта, афтæмæй хыгъдон рæстæджы бæрæг æрцыдысты республикæйы ЗАГС-тæ дæр æмæ цы цухдзинæдтæ рабæрæг, уыдон тыххæй арæзт æрцыд æмбæлон акттæ. Цхинвалы ЗАГС-ы бæстыхай капиталон цалцæг æрцыд æмæ ифтонг æрцыд офисы дзаумæттæ æмæ оргтехникæйæ.

Министрады сæргълæууæджы ныхæстæм гæсгæ, 2018 азы Юстицийы министрад масштабон реформæ ауагъта  Паддзахадон регистраци, кадастр æмæ картографийы  службæйы.

Цæмæй реформæреализаци æрцыдаид, уый тыххæй  БТИ-йы кусджытæ ахуырмæ æрвыст æрцыдысты Цæгат Ирыстонмæ, афтæ ма сæсахуыр кодтой РХИ-йы паддзахадон университеты геодезион ифтонгадæй пайда кæнын геодезион æмæ кадастрон куыстытæ уадзыны тыххæй.

Министр радзырдта «иу рудзынджы» ситемæйы куысты, йæахсджиагдзинады тыххæй дæр.

Æфхæрд æххæстгæнæн управленийы архайды тыххæй куыд радзырдта, афтæмæй 2018 азы Юстицийы министрады уголовон-æххæстгæнæн системæйы дæр ауагъдæуыд стыр реформæ. Реформæ уагъд цыд дыууæ этапæй, бахаудысты йæм ахæстоны бæстыхайы æмæ ахæсттæ цы хатæнты сты, уыдон сцалцæг кæнын æмæ уæлæмхас тезгъогæнæн фæзуат саразын. Ивындзинæдтæ æрцыд структурон-штатон системæйы дæр. Уымæй дарддæр  ахæстон дих æрцыд изоляцигонд фадгуытыл, уый фæстиуæгæн хицæн æрцыдысты иумиаг æмæ карз режимы ахæсттæ, сылгоймæгтæ æмæ нæлгоймæгтæ.

Министр радзырдта тæрхондонон приставты архайды тыххæй дæр. Йæ ныхæстæм гæсгæ, 2018 азы  Юстицийы министрады Тæрхондонон приставты службæмæ балæвæрдæуыд æртæ мин хъасты, Паддзахадон бюджетмæ  ахынцыд æрцыд 7 милуан сомы.

Уыимæ ма 2018 азы бацæттæ чындæуыд закъоны проекттæ «Кондад æххæст кæныны тыххæй» æмæ «Тæрхондонон приставты тыххæй» РХИ-йы закъæттæм ивындзинæдтæ бахæссыны тыххæй.

Министрады сæргълæууæг банысан кодта тæрхондонон-экспертон фадыджы архайд дæр.

«2018 азы Юстицийы министрады Тæрхондонон экспертизæйы бюро ауагъта 11 тæрхондонон-бухгалтерон экспертизæйы. Эксперттæ-бухгалтерты раз уыд 60 фарсты, уыдон иууылдæр  скъуыддзаг æрцыдысты.

Лалыты Залинæ æнæхъусдард нæ ныууагъта дунеон форумты министрады хайадист дæр.

Йæ ныхæстæ гæсгæ, Тæрхондонон приставты службæйы сæйраг пристав хайад райста IXÆхсæнадæмон зонадон-практикон конференцийы. Æфхæрд æххæстгæнæн управлени та хайад райста III Æхсæнадæмон пенитенциарон форумы.

Министр ма банысан кодта, зæгъгæ, министрад хыгъдон рæстæджы райста 2324 фыстæджы куыд Хуссар Ирыстоны, афтæ æндæр бæстæты алыгъуызон ведомствотæй. Æдæппæт Юстицийы министрад бацæттæ кодта, срегистраци кодта æмæ кондадмæ арвыста 2184 документы.

Лалыты Залинайы ныхæстæм гæсгæ, министрад æнæ хъусдард нæ уадзы, йæ разылæууæг хæстæ цæсгомджынæй чи æххæст кæны, йæ уыцы æмкусджыты. Хыгъдон рæстæджы министрады кусджытæй 30 адæймагæн лæвæрд æрцыд къласон чинтæ, 22 адæймаджы хорзæхджын æрцыдысты  сæрмагонд нæмттæй, 10 адæймаджы хорзæхджын æрцыдысты паддзахадон хорзæхтæй, 7 кусæгæн та лæвæрд æрцыд премитæ.

Йæ доклады кæрон министр банысан кодта, зæгъгæ, «куысты комфортон уавæртæ, кæцытæ дзуапп дæттынц нырыккон домæнтæн, проблемæтæ æмæ хæслæвæрдтæ скъуыддзаг кæнынмæ индивидуалон ахаст – уыдон сты уыцы нысæнттæ, кæцыты  2018 азы Юстицийы министрад йæ разы æрæвæрдта æмæ сæ аскъуыддзаг кодта».

Уый фæстæ ныхасы рацыд Президент Бибылты Анатоли.

Президент бузныг загъта министрады кусджытæн, 2018 азы намысджын куыст кæй бакодтой, уый тыххæй.

Министрады архайдыл дзургæйæ, бæстæйы сæргълæууæг банысан кодта æфхæрд æххæстгæнæн системæйы реформæйы ахсджиагдзинад.

«Æфхæрд æххæстгæнæн управленийы уæвыны уавæртæ дихгонд кæй æрцыдысты, уый æркодта фæткæвæрдмæ. Æмбæлон уавæртæ саразын хъæуы  управленийы кусджытæн дæр», – банысан кодта Бибылты Анатоли.

Политикон партиты тыххæй та загъта, зæгъгæ, уыдон æмæ æхсæнадон организацитæ хъуамæ арæзт кæнæ иугонд цæуой æнæаскъуыддзаггонд  экономикон кæнæ социалон проблемæты бындурыл, сæ аскъуыддзаг кæныны фæндæттæ размæ кæнгæйæ, æвзæрстытæм хъуамæ цæуой адæмы цардæн пайдайы программæтимæ. «Мах хъуамæ æмбарæм политикон уавæр æмæ иуæй-иу тыхтæн сæ базмæлын кæныны тыххæй бар ма дæттæм», – банысан кодта Бибылты Анатоли.

Осиаты Индирæ

Comments are closed, but trackbacks and pingbacks are open.