Бирæ азты дæргъы ИНО-йы Генералон Ассламбея фидар кæны Гуырдзыстон æм кæй бавдисынц, Абхазы æмæ Хуссар Ирыстоны лигъдæттæ æмæ æнæуый алидзджыты тыххæй уыцы резолюцийы проект. Азæй азмæ уыцы иу документы текст фæлхатт гæнгæйæ, Гуырдзыстон архайы ууыл, цæмæй дунеон æмæхсæнадæн бауырнын кæна лигъдæтты проблемæмæ иувæрсыг, политизацигонд æмæ зыгъуыммæ хъуыды, цæмæй йе ‘нæбындур территорион бахъавтытæн ссара бындур.

2017 азы Гуырдзыстон ИНО-йы Генералон Ассамблеямæ лигъдæтты æмæ æнæуый алидзджыты тыххæй цы резолюцийы проект бахаста, уымæн йæ текст нæ хицæн кæны ИНО-йы Генералон Ассамблея раздæр кæй райста, уыцы резолюцитæй, æмæ дзы дзырд цæуы æнæуый алидзджытæ æмæ лигъдæтты æмæ сæ цоты бартæ бафидар кæныны тыххæй «Гуырдзыстоны æппæт территорийыл дæр сæ хæдзармæ æрыз-дæхыны сæраппонд, уыцы нымæцы Абхазы æмæ Хуссар Ирыстонмæ дæр”. Дунеон æмæхсæнадæн цы текст уырнын кæнынц, уым дзырд нæ цæуы, уыцы æнæуый алидзджытæ æмæ лигъдæтты фæзынд баст кæй у Гуырдзыстон Хуссар Ирыстон æмæ Абхазы ныхмæ цы хæстытæ расидт, уыдонимæ. Нæ дзы цæуы дзырд, Гуырдзыстоны территорийæ этникон куынæг кæныны фæстиуæгæн иу мин ирон адæймагæй фылдæр кæй алыгъд, Хуссар Ирыстон æмæ Уæрæсейы Федерацийы æрлидзæндон чи ссардта, уыдонæй ма фæстæмæ иугæйттæ кæй æрыздæхт, уый фæдыл дæр.

Резолюцийы тексты ницы дзырдæуы, Хуссар Ирыстоны æмæ Абхазы хицауад йæхи хъæппæрисы фæрцы фæстæмæ кæй раздæхта дæсгай гуырдзиаг лигъдæтты. Гуырдзыстон цы резолюцийы текст бавдыста, уый нæ хынцы политикон æцæгдзинад, æмæ ма, сæрмагондæй та уыцы хъуыддаг, Хуссар Ирыстон æмæ Абхаз хæдбар паддзахадтæ кæй сты, фæлæ ма ирдæй æвдисы, Гуырдзыстонмæ æппындæр кæй нæй вазыгджын гуманитарон проблемæтæ ас-къуыддзаг кæныны фæнд.

Бæлвырд у, Гуырдзыстон азæй-азмæ цы резолюцийы проект ласы йæ фæдыл, уый Гуырдзыстонæй лигъдонтæн сæ уавæр рогдæр нæ фæкæндзæн, фæлæ ма уымæй уæлдай уый æндавы Же-невæйаг дискусситы куыстыл. Уыцы бынат та у, Хуссар Ирыстоны, Абхазы æмæ Гуырдзыстоны минæвæрттæн сæ бирæнымæц проблемæтыл дзурыны фадат кæм ис, иунæг ахæм бынат, уыцы нымæцы лигъдæтты æмæ æнæуый алидзджыты проблемæтыл дæр.

Лигъдæтты проблемæйы сæйраг аскъуыддзаг кæныны амал у дипломатон хиндзинад æмæ резолюцийы пропагандæйон ахадындзинад нæ, фæлæ нымхмæлæуд бауромын æмæ тыхæй ма спайда кæныныл къух сисыны бæрн чи æвæры, ахæм юридикон документтыл къух æрфыссын. Кæронбæттæны та  – сабырады бадзырд сфидар кæнын Гуырдзыстонимæ иуæрдыгæй, Республикæ Абхаз æмæ Республикæ Хуссар Ирыстонимæ иннæрдыгæй.

Гуырдзыстон лигъдæтты проблемæ политизаци кæй кæны, уый халы Же-невæйаг дискусситы куыст ацы фарсты фæдыл. Гуырдзыстон лигъдæтты æмæ æнæуый алидзджыты фарсты фæдыл уынаффæйæн ацы цытджын æхсæнадæмон орган – ИНО-йы Генералон Ассамблея хуыздæрыл кæй нымайы, уый тыххæй Хуссар Ирыстон æмæ Абхаз фидарæй хæцынц ацы проблемæйыл ИНО-йы агъуысты уынаффæ кæныны тыххæй сæ барыл. Цалынмæ лигъдæтты проблемæйы алыварс Абхаз æмæ Хуссар Ирыстоны фæсвæд ацы политикон хъæзтытæ цæуой, уæдмæ ацы проблемæйыл Женевæйаг дискусситы фæлгæтты дзурынæн ницы ахадындзинад уыдзæн.

Женевæ, 2017 азы 21 июнь    

Comments are closed, but trackbacks and pingbacks are open.