Къозонты Алан Дудары фырты Республикæ Хуссар Ирыстоны Президенты бынатмæ кандидатæй ма срегистраци кæныны тыххæй

Къозонты Алан Дудары фырты Республикæ Хуссар Ирыстоны Президенты бынатмæ кандидатæй срегистраци кæныны тыххæй инициативон къорды архайды фæтк «Республикæ Хуссар Ирыстоны президентон æвзæрстыты тыххæй» Респубикæ Хуссар Ирыстоны Конституцион закъоны домæнтæн дзуапп куыд дæтты, уымæ, æмæ «Республикæ Хуссар Ирыстоны президентон æвзæрстыты тыххæй» Республикæ Хуссар Ирыстоны закъоны 27, 28, 29-æм статьятæм гæсгæ кандидаты срегистраци кæныны тыххæй æнæмæнгхъæуæг документтæм æркæсгæйæ, Республикæ Хуссар Ирыстоны Централон æвзарæн къамис сбæлвырд кодта:

Къозонты Алан Дудары фырты Республикæ Хуссар Ирыстоны Президенты бы-натмæ кандидатæй срегистраци кæныны тыххæй инициативон къорды æрбавдыст къухфыстытæ æмбырд кæныны тыххæй хатдзæгон суагъæ, æфтиæгты тыххæй деклараци æмæ кандидаты æмæ йæ бинонты исбоны æмæ исадон хæсты тыххæй зонæнтæ, кандидаты æмæ йæ бинонты хæрдзты тыххæй зонæнтæ, афтæ ма Республикæ Хуссар Ирыстоны Президенты бынатмæ кандидат Къозонты Алан Дудары фырты æрбавдыст зонæнтæ дзуапп дæттынц «Республикæ Хуссар Ирыстоны президентон æвзæрстыты тыххæй»  Республикæ Хуссар Ирыстоны Конституцион закъоны домæнтæн.

Уый хыгъд, Республикæ Хуссар Ирыстоны Мидхъуыддæгты министрад 2017 азы 2 марты кæй æрбавдыста, №110, Республикæ Хуссар Ирыстоны Президенты бынатмæ кандидаты раразмæ кæныны фарсхæцджыты къухфыст гæххæттытæм æркæсыны тыххæй уыцы Бæлвырдгæнæнмæ гæсгæ, 4010 (цыппар мин дæс) æрбавдыст къухфыстæй æбæлвырд къухфыстытыл нымад æрцыдысты 58 (фæндзай аст), мæнг къухфыстытыл нымад чи æрцыд, уыдон нымæц та у 741 (авдсæдæ цыппор иу), уый та у бавдыст къухфыстыты нымæцæн сæ 15 процентæй фылдæр æмæ у бындур кандидаты ма сре-гистраци кæнынæн.

«Республикæ Хуссар Ирыстоны президентон æвзæрстыты тыххæй» Республи-кæ Хуссар Ирыстоны Конституцион закъоны 29 статья, Республикæ Хуссар Ирыстоны Централон æвзарæн къамисы 2017 азы 10 марты Кусæгон къорды Суагъæйæ къухда-риуæггæнгæйæ, Республикæ Хуссар Ирыстоны Централон æвзарæн къамис Уынаф-фæ хæссы:

  1. Къозонты Алан Дудары фырт, 1972 азы гуырд, æвзарджыты инициативон къорды ра-размæгонд, Республикæ Хуссар Ирыстоны Президенты бынатмæ кандидатæй регист-рацигонд ма ‘рцæуæд.
  2. Ацы Уынаффæйы къухфысты халдих лæвæрд æрцæуæд Къозонты Алан Дудары фырты Республикæ Хуссар Ирыстоны Президентон æвзæрстытæм кандидатæй рараз-мæгæнæг инициативон къорды æххæстбарджын минæвармæ.
  3. Ацы Уынаффæ мыхуыргонд æрцæуæд дзыллон информацийы фæрæзты.

Республикæ Хуссар Ирыстоны Централон æвзарæн къамисы Сæрдар Плиты Б.В.

Республикæ Хуссар Ирыстоны Централон æвзарæн къамисы Нымæрдар Авлохты К.И.    

г. Цхинвал, 2017 азы 10 март

Comments are closed, but trackbacks and pingbacks are open.