Республикæ Хуссар Ирыстоны Централон æвзарæн къамисы Уынаффæ

Багаты Амиран Никъалайы фырты Республикæ Хуссар Ирыстоны Президенты

бынатмæ кандидатæй ма срегистраци кæныны тыххæй

Республикæ Хуссар Ирыстоны Президенты бынатмæ æвзарджыты инициативон къорд Багаты Амиран Никъалайы фырты кандидатæй раразмæ кæныны фæтк «Республикæ Хуссар Ирыстоны Президенты æвзæрстыты тыххæй» Республикæ Хуссар Ирыстоны Констиуцион закъоны домæнтæн, æмæ «Республикæ Хуссар Ирыстоны Президентон æвзæрстыты тыххæй» Республикæ Хуссар Ирыстоны Конституцион закъоны 27, 28, 29-æм статьятæм гæсгæ, кандиадаты срегистраци кæныны тыххæй æнæмæнгхъæуæг документтæ цас æмбæлон сты, уый басгаргæйæ, кусæгон къорд сбæлвырд кодта:

Къухфыстытæ æмбырд кæныны, æфтиæгты æмæ исады тыххæй зонæнтæ, кандидаты æмæ йæ бинонты исадон характеры, кандидаты æмæ йæ бинонты хæрдзты тыххæй зонæнтæ, кæцыты æрбавдыста Багаты Амиран Никъалайы фырты Республикæ Хуссар Ирыстоны Президенты бынатмæ кандидатæй раразмæ кæныны фæдыл инициативон къорд, афтæ ма Республикæ Хуссар Ирыстоны Президенты бынатмæ кандидат Багаты Амиран Никъалайы фырты æрбавдисгæ информаци «Республикæ Хуссар Ирыстоны Президенты æвзæрстыты тыххæй» Республикæ Хуссар Ирыстоны Конституцион закъоны Республикæ Хуссар Ирыстоны Конституцийы 48-æм статьяйы домæнтæм  гæсгæ цас æмбæлон у, уый фæдыл хатдзæгон суагъæ.

Фæлæ, Багаты Амиран Никъалайы фырты Республикæ Хуссар Ирыстоны Президенты бынатмæ кандидатæй раразмæ кæныны тыххæй фарсхæцыны фæдыл къухæрфыссыны сыфты къухфыстытæ басгарыны тыххæй бæлвырдгæнæнмæ гæсгæ, кæцыйы æрбавдыста Республикæ Хуссар Ирыстоны Мидхъуыддыгты министрад 2017 азы 12-æм марты №39/ 63/-132, 4010 (цыппар мин дæс) фактон æгъдауæй æрбавдисгæ къухфыстытæй, 93 (нæуæдз æртæ) сты æнæбæлвырд къухфысты, æнæтых къухфыстыты нымæц разынд 568 (фондзсæдæ æхсай аст), кæцы у æрбавдисгæ къухфыстыты иумиаг нымæцы 15 проценты æмæ у кандидаты ма срегистраци кæныны бындур.

«Республикæ Хуссар Ирыстоны Президенты æвзæрстыты тыххæй» Республикæ Хуссар Ирыстоны Конституцион закъоны 29-æм статьяйы, 2017 азы 13-æм марты Кусæгон къорды Суагъæйыл бындуриуæг кæнгæйæ, Республикæ Хуссар Ирыстоны Централон æвзарæн къамис уынаффæ кæны:

1. Багаты Амиран Никъалайы фырт, 1976 азы гуырд, Республикæ Хуссар Ирыстоны Президенты бынатмæ æвзарджыты инициативон къорды раразмæгонд кандидат регистрацигонд ма æрцæуæд 2017 азы 14-æм марты 16 сахат æмæ 40 минутыл.
2. Багаты Амиран Никъалайы фырты Республикæ Хуссар Ирыстоны Президенты бынатмæ кандиадтæй раразмæ кæныны фæдыл æвзарджыты инициативон къорды минæварæн лæвæрд æрцæуæд ацы Уынаффæйы сфидаргонд халдих.
3. Ацы Уынаффæ мыхуыр æрцæ-уæд дзыллон информацийы фæрæзты.

Республикæ Хуссар Ирыстоны Централон æвзарæн

къамисы сæрдар ПЛИТЫ Б. В.Республикæ Хуссар Ирыстоны

Централон æвзарæн къамисы нымæрдар АУЛОХТЫ К.И.

г.Цхинвал, 2017 азы 14 март