Тыбылты Леонид Харитоны фырты Республикæ Хуссар Ирыстоны Президенты бынатмæ кандидатæй срегистраци кæныны тыххæй

«Республикæ Хуссар Ирыстоны Президенты æвзæрстыты тыххæй» Республикæ Хуссар Ирыстоны Конституцион закъоны домæнтæн Республикæ Хуссар Ирыстоны Президенты бынатмæ кандидатæй Тыбылты Леонид Харитоны фырты æвзарджыты инициативон къорды раразмæ кæныны фæткы æмбæлондзинад «Республикæ Хуссар Ирыстоны Президенты æвзæрстыты тыххæй» æмæ Республикæ Хуссар Ирыстоны Конституцион закъоны 27, 28, 29-æм статьятæм гæсгæ  кандидаты срегистраци кæныны тыххæй æнæмæнгхъæуæг документтæ сбæрæг кæнгæйæ, Республикæ Хуссар Ирыстоны Централон æвзарæн къамис уынаффæ кæны:

  1. Тыбылты Леонид Харитоны фырт, 1952 азы гуырд, Республикæ Хуссар Ирыстоны Президент, кæцыйы раразмæ кодта æвзарджыты инициативон къорд, 2017 азы 2-æм марты 14 сахаты 05 минутыл регистраци æрцæуæд Республикæ Хуссар Ирыстоны Президенты бынатмæ кандидатæй.
  2. Тыбылты Леонид Харитоны фыртæн лæвæрд æрцæуæд сфидаргонд хуызæджы регистрацийы тыххæй бæлвырдгæнæн.
  3. Ацы Уынаффæ мыхуыр æрцæуæд дзыллон информацийы фæрæзты.

Республикæ Хуссар Ирыстоны

 Централон æвзарæн къамисы Сæрдар  ПЛИТЫ Белæ

Республикæ Хуссар Ирыстоны

Централон æвзарæн къамисы нымæрдар    АУЛОХТЫ Кристинæ

г.Цхинвал,

2017 азы 2 март

Comments are closed, but trackbacks and pingbacks are open.