РЕСПУБЛИКÆ ХУССАР ИРЫСТОНЫ ПАРЛАМЕНТЫ УЫНАФФÆ

«Республикæ Хуссар Ирыстон æмæ Уæрæсейы Федерацийы ‘хсæн дывæр æмбæстагдзинады фарстытæ æрбæстон кæныны фæдыл Сразыдзинад сратификаци кæныны тыхххæй» Республикæ Хуссар Ирыстоны Закъоны тыххæй

Республикæ Хуссар Ирыстоны Парламент уынаффæ кæны:

1. Райст æрцæуæд Республикæ Хуссар Ирыстоны Закъон «Республикæ Хуссар Ирыстон æмæ Уæрæсейы Федерацийы ‘хсæн дывæр æмбæстагдзинады фарстытæ æрбæстон кæныны фæдыл Сразыдзинад сратификаци кæныны тыххæй», кæцыйыл къухтæ фыст æрцыдысты 2021 азы 20 сентябры горæт Цхинвалы.
2. Ацы Закъон æрвыст æрцæуæд Республикæ Хуссар Ирыстоны Президентмæ къух ыл æрфыссын æмæ ныммыхуыр кæныны тыххæй.
3. Ацы Уынаффæ йæ тыхы цæуы йæ райсыны бонæй.

Республикæ Хуссар Ирыстоны

Парламенты Сæрдар  ТАДТАТЫ Алан

г.Цхинвал

2021 азы 1 декабрь

 

 

 

РЕСПУБЛИКÆ ХУССАР ИРЫСТОНЫ ЗАКЪОН

Республикæ Хуссар Ирыстон æмæ Уæрæсейы Федерацийы ‘хсæн дывæр æмбæстагдзинады фарстытæ æрбæстон кæныны фæдыл Сразыдзинад сратификаци кæныны тыхххæй

Райста йæ РХИ-йы Парламент

2021 азы 1 декабры

Ратификаци æрцæуæд Республикæ Хуссар Ирыстон æмæ Уæрæсе-йы Федерацийы ‘хсæн дывæр æмбæстагдзинады фарстытæ æрбæстон кæныны фæдыл Сразыдзинад, кæцыйыл къухтæ фыст æрцыдысты 2021 азы 20 сентябры горæт Цхинвалы.

Республикæ Хуссар Ирыстоны Президент БИБЫЛТЫ Анатоли

г. Цхинвал

2021 азы 6 декабрь

 

ФИДЫД

Уæрæсейы Федераци æмæ Республикæ Хуссар Ирыстоны ‘хсæн дывæр æмбæстагдзинады фарстатæ æрбæстон кæныны тыххæй

Уæрæсейы Федераци æмæ Республикæ Хуссар Ирыстон, дарддæр –

Дыууæ Фарсы,

адæймаг æмæ æмбæстаджы иумæйагнымад бартæ æмæ сæрибардзинад хъахъхъæныны нысæнттæн,

Уæрæсейы Федераци æмæ Республикæ Хуссар Ирыстоны ‘хсæн Хæлардзинад, æмгуыстад æмæ кæрæдзийæн æххуыс кæныны тыххæй  2008 азы 17 сентябры фыстæр-цæуæг бадзырды 8 уацы уагæвæрдтыл бындуриуæг кæнгæйæ,

Уæрæсейы Федераци æмæ Республикæ Хуссар Ирыстоны ‘хсæн Æмцæдисад æмæ интеграцийы тыххæй 2015 азы 18 марты фыстæрцæуæг бадзырды 6 уацы уагæвæрд-тæ хъусдардмæ исгæйæ, дывæр æмбæстагдзинадимæ бастуæвæг фарстатæ рæстагæй æмæ гуманонæй æрбæс-тон кæнынмæ тырнгæйæ, сразы сты дæлдæруæвæгыл:

 

Уац 1

1. Иу Фарсы æмбæстæгтæн ис, сæхи Фарсы уæвæг æмбæстагдзинадæй сæхи ма ссæрибар кæнгæйæ, иннæ Фарсы æмбæстагдзинад райсыны бар.
2. Ацы Фидыд кæй нæ бæстон кæны, уыцы хайы æмбæстагдзинад райсын æмæ дзы хи ссæрибар кæнын æххæст цæуы Дыууæ Фарсæй алкæцыйы закъондæттынадмæ гæсгæ.

Уац 2

1. 2008 азы 26 августы онг Республикæ Хуссар Ирыстоны æмбæстагдзинад кæмæн уыд æмæ йæ куырдиат бадæттыны боны онг чи нæ фесæфта, уыдонæй æстдæс азы кары чи ис æмæ куыстхъом чи у, уыдонæн Уæрæсейы Федераци бар дæтты, цæмæй куырдиатимæ бахатой Уæрæсейы Федерацийы æмбæстагдзинад райсынмæ фæхуымæтæгдæргонд фæткмæ гæсгæ.
2. Ацы уацы 1 пунктмæ гæсгæ Уæрæсейы Федерацийы æмбæстагдзинад райсыны уавæртæ, Уæрæсейы Федерацийы æмбæстагдзинад райсынмæ куырдиат бадæттыны æмæ Уæрæсейы Федерацийы æмбæстагдзинад сног кæныны фæтк, бавдисгæ документты номхыгъд æмæ банысангонд куырдиæттæм æркæсыны фæтк фидар кæны Уæрæсейы Федерацийы Президент.
3. Республикæ Хуссар Ирыстоны æфсæддон службæ чи æххæст кæны, Республикæ Хуссар Ирыстоны æдасдзинады органты кæнæ барадхъахъхъæнæг органты чи службæ кæны, уыцы æмбæстæгты банысангонд хуызты кæй службæ кæнынц, уый тыххæй сын Уæрæсейы Федерацийы æмбæстагдзинад райсыны фæдыл фæстæмæ не здахынц сæ куырдиæттæ.

Уац 3

 

1.14 азы кары онг сывæллæттæн лæвæрд цæуы ный-йарджыты æмбæстагдзинад ахæм дзырдæй, сывæллон кæй нæ баззайдзæн æнæ æмбæстагдзинадæй. Сывæллоны æмбæстагдзинад ивд нæ цæуы, йæ ныййарджытæй ныййарæджы бартæ ист кæмæн æрцæуой, уый æмбæстагдзинад фæивыны рæстæджы.

2. Дыууæ Фарсы æмбæстагдзинад дæр кæмæн ис, ахæм сывæллоныл цалынмæ 18 азы сæххæст уа, уæдмæ йæ ныййарджытæн сæ бон у уымæн æмбæстагдзинад равзарын, сывæллоны иу Фарсы æмбæстагдзинадæй ссæрибар кæныны тыххæй иумæйаг фыст куырдиаты бындурыл.
3. Кæд Дыууæ Фарсы æмбæстагдзинад дæр кæмæн ис, уыцы ныййарджытæй искæмæн иу Фарсы æмбæстагдзинад мауал уа, уæд уыцы Фарсы æмбæстагдзинад 18 азы кары чи нæма бацыд, уыцы сывæллонæн бæлвырд цæуы йæ ныййарджыты фыст куырдиатмæ гæсгæ. Кæд ахæм æмразыдзинад нæ уа, уæд сывæллонæн хъахъхъæд цæуы Дыууæ Фарсы æмбæстагдзинад дæр.
4. Кæд сывæллоны йе ‘мбæстагдзинад ивыны сæр ба-хъæуа, уæд нæ домдæуы, йæ ныййарæджы бартæ ист кæмæн сты, ахæм ныййарæджы разыдзинад.

5.14 азæй 18 азы кары ‘хсæн чи ис, уыцы сывæллæттæн се ‘мбæстагдзинад ивд цæуы сæхи разыдзинадмæ гæсгæ.

6. Ацы уацы уагæвæрдтæ парахат кæнынц ахæм сывæллæттыл дæр, кæцы сывæллонæн йæ райгуырды онг йæ ныййарджытæй иуæн уыд Дыууæ Фарсы æмбæстагдзинад дæр, иннæмæн та нæ уыд æмбæстагдзинад кæнæ бæрæг нæ уыд, чи уыд, уый дæр, афтæ ма хъомыл кæнынмæ кæй райстæуыд, ахæм сывæллæттыл дæр.
7. Ацы уацы 2 пунктмæ гæсгæ æмбæстагдзинадыл къух сисыны тыххæй фыст куырдиаты формæ бæлвырд кæны, къух кæй æмбæстагдзинадыл истæуы, уыцы Фарс.

 

Уац 4

1. Дыууæ Фарсы æмбæстагдзинад дæр кæмæн ис, ахæм адæймаг æдзух кæй территорийыл цæры, уыцы Фарсы закъондæттынадмæ гæсгæ пайда кæны социалон ифтонгад, ахуырад æмæ медицинон лæггæдты бартæй, кæд Дыууæ Фарсæй иуы закъондæттынады кæнæ Дыууæ Фарсы ‘хсæн архайæг æхсæнадæмон бадзырдты æндæр исты нысангонд нæй, уæд.
2. Куысты рæстæджы хъыгдардбаййафæг кæнæ про-фессионалон низыхатт чи райса, уымæн йе ‘фхæрд баххæст кæнын нысан кæны æмæ йæ фиды, хъыгдард баййафыны, æнæниздзинады æндæр хуызы хъыгдард баййафын, амæлын кæнæ куыстадон архайды фæстиуæгæн райсгæ профессионалон низ райсыны рæстæджы адæймагыл кæй закъондæттынад парахат кодта, уыцы Фарс, уыцы нымæцы ахæм рæстæджы дæр, кæд æмæ профессионалон низыхатт фыццаг хатт сбæрæг иннæ Фарсы территорийыл.
3. Ацы уацы 1 пункты уагæвæрдтæ нæ хъыгдарынц кæцыфæнды Фарсы барты дæр, цæмæй радта бартæ æмæ хатыртæ ахæм адæймагæн, кæцыйæн ис Дыууæ Фарсы æмбæстагдзинад дæр æмæ цæры иннæ Фарсы территорийыл.

 

Уац 5

Дыууæ Фарсы æмбæстагдзинад дæр кæмæн ис, ахæм адæймæгтæ æфсæддон службæ æххæст кæнынц, æфсадмæ сæм æрсидыны онг кæй территорийыл цардысты, уыцы Фарсы. Дыууæ Фарсы æмбæстагдзинад дæр кæмæн ис æмæ æнæмæнгхъæуæг æфсæддон службæ уыдонæй сæ иуы чи рацыд, ахæм адæймæгтæ сæрибар цæуынц иннæ Фарсы æфсæддон службæмæ æрсидтæй.

Дыууæ Фарсы æмбæстагдзинад дæр кæмæн ис, уыдонæй контрактмæ гæсгæ æфсæддон службæ æмæ æфсæддон ахуырадон уагдæтты ахуыр кæнынмæ хауæг фарстатæ гæнæн ис бæстон цæуой æндæр фидыдтæй.

 

Уац 6

 

1. Дыууæ Фарсы домæнтæм гæсгæ кæрæдзийæн информаци дæттынц, уыцыиу рæстæджы Уæрæсейы Федерацийы æмæ Республикæ Хуссар Ирыстоны æмбæстагдзинад кæмæн ис, уыцы æмбæстæгтæй æртыккаг бæстæйы æмбæстагдзинад кæнæ фæсарæйнаг паддзахады иугæндзон цæрыны бары документ чи райса, ахæмты тыххæй.
2. Дыууæ Фарсы домæнтæм гæсгæ кæрæдзийæн информаци дæттынц æмбæстагдзинадмæ хауæг закъондæттынадты тыххæй.

Уац 7

1. Дыууæ Фарсы æмбæстагдзинад дæр кæмæн ис, уыдонæн бар ис æртыккаг паддзахадты территоритыл сæ равзæрстмæ гæсгæ кæцыфæнды Фарсы хъахъхъæнынад æмæ аудындзинадæй пайда кæнынæн.
2. Паддзахадты, кæцыимæ дипломатон ахастытæ ис æрмæстдæр иу Фарсæн, кæнæ та æрмæстдæр консулон уагдæттæ æрмæстдæр иу Фарсæн кæм ис, ахæм адæймæгтæ æххæстбæрцæй пайда кæнынц уыцы Фарсы хъахъхъæнынад æмæ аудындзинадæй.

Уац 8

Дыууæ Фарсы æмбæстагдзинад дæр кæмæн ис, ахæмтæн уголовон, административон, æмбæстагон æмæ бинонты хъуыддæгты фæдыл ахæм адæймæгты хайадистæй, æфхæрд снысан кæныны кæнæ æндæр тæрхондонон уы-наффæтæ ахæмты хайадистæй, уыцы нымæцы – æртыккаг паддзахадты тæрхондæтты рахæсгæ уынаффæты фæдыл иммунитеттæ дæр ахæмтæн, кæцытæ сты иу кæнæ иннæ Фарсы паддзахадон кæнæ æндæр официалон службæйы, иннæ Фарсы юрисдикцимæ гæсгæ хæдгъуыздзинæдтæн æрбæстонгæнæн ис хицæн фидыдæй (фидыдтæй).

 

Уац 9

Ацы Фидыды уагæвæрдтæй спайдагæнæн ис, цалынмæ ацы Фидыд йæ тыхы нæ бацæуа, уæды онг  Дыууæ Фарсы æмбæстагдзинад райсыны рæстæджы дæр.

 

Уац 10

Дыууæ Фарсы ‘хсæн ацы Фидыдæй пайда кæныны кæнæ йæ æмбарын кæныны рæстæджы фæзынгæ быцæудзинæдтæ скъуыддзаг цæуынц консультацитæ æмæ баныхæсты фæрцы.

 

Уац 11

Ацы Фидыды хъæуы ратификаци кæнын æмæ йæ тыхы цæуы, кæрæдзимæ ратификацион грамотæтæ радтыны фæстæ.

 

Уац 12

Ацы Фидыдмæ Дыууæ Фарсы æмразыдзинадмæ гæсгæ бахæссæн ис ивындзинæдтæ, кæцытæ фидаргонд цæуынц хицæн суагъæтæй.

 

Уац 13

1. Ацы Фидыд архайы фондз азы дæргъы æмæ автома-тикон æгъдауæй дарддæр цæуы дарддæры фондзазон æмгъуыдты, кæд Дыууæ Фарсæй искæцы йæ радон фондзазон æмгъуыды фæудæй æппынкъаддæр æхсæз мæйы раздæр дипломатон каналтыл фыстæй нæ фехъусын кæна йæ архайд æруромыны фæндон, уæд.
2. Ацы Фидыды архайды æрурæд нæ расайдзæн Дыууæ Фарсæй кæцыфæндыйы æмбæстагдзинад дæр автоматикон æгъдауæй æруромыны хъуыддаг. Дыууæ Фарсы æмбæстагдзинад дæр кæмæн ис, уыдоны дарддæры æмбæстагдзинады фарстатæ бæстон цæудзысты Дыууæ Фарсы æхсæндунеон бадзырдтæ æмæ закъондæттынадтæм гæсгæ.

Фыст æрцыд сахар Цхинвалы 2021 азы 20 сентябры дыууæ экземплярæй, алкæцы дæр дзы уырыссаг æмæ ирон æвзæгтыл, уымæй дæр алы текстæн дæр ис æмхуызон тых.